नेपाली म्यूजिक भिडियोको दुनियाँमा नायक पल शाह किङ नै हुन भन्दा फरक नपर्ला । पछिल्लो समय मात्र पलले दर्जनौ भिडियोमा काम गरे ।

लकडाउन खुकुलो भएपछि पलले खेलेका केही भिडियो चलेपनि उनी अभिनित धरै भिडियो असफल भैरहेका छन् । लकडाउन खुकुलो भएसँगै पलले मोडल रियाशा दाहालसँग ‘ए है माया’ बोलको गीतमा काम गरे । यो भिडियो र गीत दुबै चल्यो । हालसम्म यो भिडियोलाई १ करोड ८० लाख भन्दा बढी पटक हेरिएको छ ।

यसपछि, रियाशा र पलको जोडीलाई लिएर भिडियो बनाउन केही मेकर कस्सिए । पल र रियाशाले ‘लाइदिम कि मोहनी’ बोलको गीतमा काम गरे । सार्वजनिक भएको करिब डेढ महिनामा भिडियोलाई १९ लाख बढी पटक हेरिएको छ । त्यस्तै पल र रियाशाले अर्को भिडियो ‘जाले रुमाल’मा सँगै देखिए । सार्वजनिक भएको एक सातामा यो गीतलाई १२ लाख पटक हेरिएको छ ।यी दुबै गीतले बजारमा औषत चर्चा पाए ।

पल र रियाशाको जोडीलाई नै लिएर गायक हेमन्त शर्माले ‘तिमी बाहेक’ बोलको गीत बनाए । नितिन चन्दले यो भिडियोको निर्देशन गरेका हुन् ।

सार्वजनिक भएको ३ दिनमा यो गीतलाई २ लाख बढी पटक हेरिएको छ । पल र रियाशाले लकडाउन खुलेपछि ४ वटा भिडियोमा काम गरेका छन् । जसमा, ‘ए है माया’मा जस्तो यी दुइको जोडी अरु गीतमा भने खासै जम्न सकेन ।

पलले धेरै भिडियो खेल्नु र पछिल्लो समय लगतार बजारमा नयाँ गीत सार्वजनिक हुनुको असर पल अभिनित भिडियोलाई परेको देखिन्छ ।

कुनै समय नायिका आँचल शर्मासँग निकै जमेको थियो पलको जोडी तर आँचलको बिवाहपछि दुबै सँगै देखिएका छैनन् । तरपनि पछिल्लो समय भने रियाशासँग पलको जोडी जमेको चर्चा हुन थालेको छ ।

आँचलसँगको जोडी निकै मन पराएका दर्शकले रियाशासँगको जोडी भने कत्तीको मन पराउँछन् त्यो हेर्न भने केहि समय कुर्नै पर्ने हुन्छ ।