काठमाडौं : सर्लाहीको गोडैता नगरपालिका ४ रोहवामा गएराति गुडिरहेको ट्याक्टरबाट लडेर घाइते भएका चालकको मृत्यु भएको छ ।
रौतहटको वृन्दावन नगरपालिका–७ धमौरा घर भई हाल गोडैता नगरपालिका-५ मा बस्दै आएका १८ बर्षीय आसिर मंसुरको मृत्यु भएको हो ।
गएराति साढे ११ बजे उखु लिएर चिनी मिल तर्फ ना ७ त ५६८ नम्बरको ट्याक्टर चलाएर आउँदै गर्दा उनी अचानक लडेका थिए । उपचारको लागी अस्पताल लैजादै गर्दा उनको बाटोमै मृत्यु भएको इलाका प्रहरी कार्यालय गडहियाले जनाएको छ ।
ट्याक्टरमा सवार अर्का एक व्यक्ति फरार भएकाले खोजी भईरहेको प्रहरी जनाएको छ ।
