चितवन : नेपाल कम्युनिष्ट पार्टी (माओवादी-केन्द्र) निकट विद्यार्थी संगठन र वाइसियलका युवाहरुले शनिबार चित राष्ट्रपति र प्रधानमन्त्रीको पुत्ला दहन गरेका छन् । आज ( शनिबार ) साँझ रत्ननगरको निपनी चोकमा प्रधानमन्त्री र राष्ट्रपति विरुद्ध नाराबाजी गर्दै पुत्ला दहन गरेका हुन् ।
संसद विघटनको विरोधमा नेपाल कम्युनिष्ट पार्टी (माओवादी-केन्द्र) र केन्द्र निकट विभिन्न संगठनले देशव्यापी आन्दोलन सुरु गरेका छन् । सोही आन्दोलनको क्रममा शनिबार राष्ट्रपति र प्रधानमन्त्रीको पुत्ला दहन गरेका हुन् । प्रधानमन्त्री ओलीको सिफारिसमा राष्ट्रपति विद्यादेवी भण्डारीले संसद विघटन गरेको र यो असंवैधानिक कदम भएको भन्दै नेपाल कम्युनिष्ट पार्टी (माओवादी-केन्द्र) साथै अन्य राजनीतिक दलहरु पनि विरोधमा जनाएका छन ।
मन्त्रीपरिषद्को सिफारिसमा राष्ट्रपति विद्यादेवी भण्डारीले मध्यरातमा प्रतिनिधिसभा विघटन गरेर मध्यावधि चुनाव घोषणा गर्नु भएको थियो । प्रतिनिधि सभा विघटनपछि प्रतिनिधिसभा सदस्यका लागि कात्तिक २६ र मंसिर ३ गतेलाई चुनावको मिति तोकिएको छ ।
