Royal Enfield ले नेपाली बजारमा आफ्नो नयाँ urban performance roadster “Guerrilla 450” सार्वजनिक गरेको छ। सहरभित्रको दैनिक यात्रा, घुमाउरा सडक तथा लामो दूरीको राइडलाई लक्षित गर्दै ल्याइएको यो मोटरसाइकल नेपाली युवामाझ आकर्षण बन्ने कम्पनीको विश्वास छ।

४५२ सीसीको liquid-cooled Sherpa engine सहित आएको Guerrilla 450 ले ४० PS power र ४० Nm torque उत्पादन गर्ने कम्पनीले जनाएको छ। मोटरसाइकलमा ६-स्पीड गियरबक्स, assist तथा slip clutch, ride-by-wire प्रविधि र sport तथा eco riding mode जस्ता आधुनिक फिचर समावेश छन्।

यसमा LED headlights, integrated tail lamp, upswept silencer, stepped bench-seat तथा ११ लिटर fuel tank दिइएको छ। साथै ४ इन्च TFT Tripper Dash मार्फत Google Maps-powered navigation र smartphone connectivity सुविधा पनि उपलब्ध रहेको कम्पनीले जनाएको छ।

Guerrilla 450 लाई APEX, Dash र Flash गरी तीन भेरियन्ट तथा आठ फरक रंगमा उपलब्ध गराइएको छ। नेपालमा यसको एक्स-शोरुम मूल्य रु आठ लाख ९९ हजार तोकिएको छ।

कम्पनीका अनुसार मोटरसाइकलको बुकिङ खुला भइसकेको छ भने डेलिभरी पनि सुरु गरिनेछ।