नवलपुर, २३ मंसिर । तपाईँ आफ्नो घरमा विभिन्न प्रकारका कीरा, फट्याङ्ग्रा कारण समस्यामा पर्नुभएको छ भने अब चिन्ता मान्नु पर्दैन । अष्ट्रेलियन प्रविधिबाट घर तथा कार्यालयको धमिरा, साङ्ला, उडुस, मुसा लगायतका कीराहरुको नियन्त्रण गर्ने प्रविधि चितवन तथा नवलपुरमा भित्र्याइएको छ ।
साङ्ला, घमिरा, मुसा, उडुसलगयातको समस्या हाल नेपालमा अत्यन्तै विकराल समस्याको रुपमा देखा परेको भन्दै ओपल पेस्ट कन्ट्रोल एण्ड क्लिनिङले यहाँ कीराहरुकाे नियन्त्रणमा नयाँ प्रविधि भित्र्याएको हो । धमिरा, कीराको नियन्त्रणका कारण घरका झ्याल, ढोका, दराज, टेबल, फर्निचरहरुको आयु बढाउन सकिन्छ । त्यस्तै, मुसाका कारण कपडा, कागजात, तार काट्ने समस्याको समेत समाधान गर्ने गरी पेस्ट कन्ट्रोल प्रविधि भित्र्याइएको ओपलले जनाएकाे छ ।
अष्ट्रेलियन उत्पादनको प्रयोगबाट कीरा, फट्याङ्ग्रालगायतका किटहरुको नियन्त्रण गर्दा उत्पादनहरु उच्च गुणस्तरीय, गन्धरहित, जोखिमबाट सुरक्षित तथा वातावरणमैत्री भएको ओपलकाे दाबी छ । अनुभव प्राप्त दक्ष प्राविधिकहरुबाट कीरा फट्याङ्ग्रा न्यूनीकरणका लागि काम गरिने भएकाले पूर्णरुपमा सुरक्षित हुने बताइएको छ । यो प्रविधिको प्रयोगपछि घरमा लाग्ने धमिरा, साङ्ला, उडुस, माकुरा, मुसा, कमिला, बारुला, किटाणुशोधनसहितका कीराहरु नियन्त्रणमा ओपले जनाएको छ ।
