चितवन, असोज १३-  चितवनमा बैदिक आयुर्वेद दोस्रो वडा अध्यक्ष भेट्रान कप फुटबल हुने भएको छ ।

नवज्योति राइनोज क्लबको आयोजनामा यहि असोज १६ गते देखि २४ गतेसम्म वडा अध्यक्ष भेट्रान कप हुने भएको हो । भरतपुर वडा नं ६ मा हुने खेलमा वडा भित्रका टोलहरु मात्र सहभागी रहने आइतबार भरतपुरमा पत्रकार सम्मेलन गरी जानकारी दिइएको छ । अन्तर टोल स्तरीय प्रतियोगिता ए साइड फर्म्याटमा हुने आयोजकले जानकारी दिएका छन् ।

यस प्रतियोगितामा मैदानभित्र ८ जना र अतिरिक्त ५ जना गरी १३ जना खेलाडी हुनेछन् । प्रतियोगितामा प्रथम हुनेलाई ५० केजीको खसी र आर्कर्षण ट्रफि प्रदान गरिनेछ । दोस्रो हुने समुहले ३५ केजीको खसी र ट्रफि प्राप्त गर्नेछन् । प्रतियोगिता नवज्योेति राइनोज क्लबको खेलमैदानमा हुने आयोजकले जानकारी दिएको छ ।