भरतपुर – ड्रीम्स कलेज भरतपुरमा बी.एससी.सीएसआईटी कार्यक्रमको प्रवेश परीक्षा सम्पन्न भएको छ।  सुदुरपश्चिमान्चल विश्वविद्यालयद्वारा संचालित सो संकायको परीक्षामा विद्यार्थीहरुको उल्लेख्य सहभागिता रहेको थियो।  सो विश्वविद्यालय पूर्ण रूपमा सरकारी अनुदान प्राप्त विश्वविध्यालय हो, जसले आधुनिक र विश्वव्यापी मान्यता प्राप्त पाठ्यक्रमको अध्यापन गराउँदै आएको छ।

हालै सम्पन्न प्रवेश परीक्षामा ५४ विद्यार्थीहरूले सहभागिता जनाएका थिए, जसले प्रतिस्पर्धात्मक वातावरणलाई थप रोमाञ्चक बनाएको कलेजका प्रमुख ई.दिवस मैनालीले बताउनुभयो। सुदुरपश्चिमान्चल विश्वविद्यालयबाट बी.एससी.सीएसआईटी (कम्प्युटर साइन्स एण्ड इन्फर्मेसन टेक्नोलोजी) कार्यक्रमको लागि कुल ४२ सिटहरू उपलब्ध रहेको सो कलेजमा यस किसिमको उच्च प्रतिस्पर्धाले विद्यार्थीहरूमा शिक्षा प्रतिको उत्साह प्रकट गरेको मैनालीले बताउनुभयो।

सो विश्वविद्यालयको नयाँ पाठ्यक्रम आधुनिक प्रविधिहरूसँग सम्बन्धित छ, जसले विद्यार्थीहरूलाई विश्व बजारमा प्रतिस्पर्धा गर्न सक्षम बनाउँछ।गुणस्तरीय शिक्षा प्रदान गर्नु मात्र नभएर, विद्यार्थीहरूलाई विश्वस्तरको ज्ञान र सीपमा अब्बल बनाउनु पनि यो विश्वविद्यालयको उद्देश्य रहेको छ।ड्रिम्स कलेज भरतपुरले यसै वर्षबाट सन्चालन गर्न लागेको शैक्षिक कार्यक्रममा यसप्रकारको विध्यार्थीको सहभागिताले कलेजको शैक्षिक गुणस्तर तथा विश्वविध्यालय प्रतिको विश्वासलाई थप मजबुत बनाएको ई.मैनालीले बताउनुभयो।

सुदुरपश्चिम विश्वविद्यालयले प्रवेश परीक्षाको नतिजा केही दिनभित्रै सार्वजनिक गर्ने बताएको छ। प्रवेश परिक्षामा सफल हुने विद्यार्थीहरूले कलेजमा भर्ना गरि आफ्नो अध्ययन यात्रा सुरु गर्न सक्नेछन । कलेजले व्यवहारिक,सैद्धान्तिक तथा विश्वव्यापिकरणका लागि चाहिने आधारभूत शिक्षा प्रणालीलाई जोड दिँदै कक्षा संचालन गर्न लागेको कलेज प्रमुख मैनालीले बताउनुभयो । सो संकायको कार्यक्रमबाट विद्यार्थीहरुलाई पूर्ण रुपमा योग्य,सक्षम र सफल बनाउने विश्वास कलेजले लिएको मैनालिले बताउनुभयो । उहाँका अनुसार कलेजमा विद्यार्थी अनुकुल वातावरणमा अध्यापन गराइने छ ।

चितवन र नवलपुरका विद्यार्थीलाई लक्षित गर्दै संचालन गरिएको यस कलेजले सुविधायुक्त यातायातको समेत व्यवस्था गरेको छ। यस कलेजमा अध्ययन गर्ने विद्यार्थीहरुका लागि पहिलो बर्ष १ करोड बराबरको छात्रबृत्ति प्रदान गर्ने कलेजले बताएको छ। सो कलेज स्थापना सँगै आईटी अध्ययनको लागी उत्कृष्ट कलेज खोज्दै काठमाण्डौं जानुपर्ने बाध्यता अन्त्य भएको विश्वास कलेजको रहेको छ । कलेजमा दुई दशक लामो अनुभवी तथा ख्याती प्राप्त प्राध्यापक द्वारा शिक्षण हुने प्रिन्सिपल मैनालिले बताउनुभयो ।

बीएससीसीएसआईटी कार्यक्रमले कम्प्युटर प्रोग्रामिङ, वेब डिजाइन, डेटा संरचना, अल्गोरिदम, सफ्टवेयर इञ्जिनियरिङ, नेटवर्किङ, डाटाबेस म्यानेजमेन्ट, कृत्रिम बुद्धिमत्ता, साइबर सेक्युरिटी, र क्लाउड कम्प्युटिङ जस्ता क्षेत्रहरूमा केन्द्रित शिक्षा प्रदान गर्दछ। कुल चार वर्षको अवधिमा ८ सेमेस्टरमा बाँडिएको यो कार्यक्रमले सैद्धान्तिक तथा प्रयोगात्मक दुवै ज्ञान प्रदान गर्दछ।

बीएससीसीएसआईटी उतिर्ण विद्यार्थीहरूलाई विभिन्न आईटी कम्पनीहरू, सरकारी तथा गैरसरकारी संस्थाहरू, बैंक तथा वित्तीय संस्थाहरूमा सफ्टवेयर विकासकर्ता, नेटवर्क प्रशासक, डाटाबेस व्यवस्थापक, प्रणाली विश्लेषक, र साइबर सुरक्षासँग सम्बन्धित विभिन्न भूमिकामा रोजगारीको अवसर मिल्नेछ।

यस कार्यक्रमले विद्यार्थीहरूलाई आफ्नै सफ्टवेयर कम्पनी, स्टार्टअप, वा फ्रिलान्सिङको अवसरलाई समेत ख्यालमा राख्दै ज्ञान प्रदान गर्छ ।

सूचना प्रविधिको क्षेत्रमा उज्ज्वल भविष्य खोजिरहेका विद्यार्थीहरूका लागि बीएससीसीएसआईटी (B.Sc.CSIT) कार्यक्रम महत्वपूर्ण विकल्प बन्दै गएको छ।

कलेजले विद्यार्थीहरूलाई अनुसन्धानको लागि विशेष प्रोजेक्टहरू र औद्योगिक सहयोगमा आधारित पाठ्यक्रमहरू पनि प्रदान गर्ने प्रीन्सिपल मैनाली बताउनुहुन्छ।
जसले उनीहरूलाई वास्तविक संसारका समस्या समाधान गर्न सक्षम बनाउँछ।

साथै, वैकल्पिक विषयहरूमा विद्यार्थीहरूको रुचि अनुसार विभिन्न कोर्सहरू प्रदान गर्दै विद्यार्थीहरुको सीपलाई अझ फराकिलो बनाउन कलेज सदैव तयार रहेको उहाँले बताउनुभयो।

सो कलेजले विद्यार्थीहरूलाई विभिन्न औद्योगिक कोर्सहरूमा निःशुल्क तालिम प्रदान गर्दै उनिहरुको व्यावहारिक ज्ञान र सीप विकास गर्न सहयोग पुर्याउने,इन्टर्नशिपकाअवसरहरू प्रदान गर्नका साथै विभिन्न प्रतिष्ठित कम्पनीहरूसँग सहकार्य गरेर प्लेसमेन्ट सहयोग समेत प्रदान गर्ने उहाँले बताउनुभयो ।