चितवन, भाद्र २६,- चितवन जिल्ला कारागारमा आज कारागारका बन्दी किर्तन राजभण्डारीको पहलमा सत्यवचन परम ईश्वरी मार्गदर्शन सामाजिक संस्थाले शुद्ध खानेपानीको फिल्टर ट्यांक हस्तान्तरण गरेको छ ।

कार्यक्रममा संस्थाका संरक्षक श्रीकृष्ण आले र राधिका आलेको नेतृत्वमा फिल्टर ट्यांक हस्तान्तरण गरिएको थियो। संस्थाका केन्द्रीय अध्यक्ष निरञ्जन पाण्डे र जिल्ला कारागार प्रमुख कमलप्रसाद आचार्यले संयुक्त रूपमा रिबन काटेर फिल्टर ट्यांकको उद्घाटन गर्नुभएको थियो।

कार्यक्रममा संस्थाका केन्द्रीय अध्यक्ष निरञ्जन पाण्डे, उपाध्यक्ष सुभाष श्रेष्ठ, कारागार प्रशासन प्रमुख कमलप्रसाद आचार्य लगायत संस्थाका प्रतिनिधि सुन्दर थापा मगर ,दिवाकर थापामगर ,सुशील थापामगर ,दिपु खड्गी ,दिपेश खड्गी , कारागार बन्दी प्रमुख कीर्तनराज भण्डारी र प्रहरी सहायकनिरक्षक कुल बहादुर श्रेष्ठ लगायतको उपस्थिति रहेको थियो।  केन्द्रीय अध्यक्ष पाण्डेले भविष्यमा संस्थाले मानवीय र सामाजिक कार्यक्रमहरूमा थप जोड दिने र चितवन जिल्ला कारागारलाई आवश्यक सहयोग गर्ने प्रतिबद्धता व्यक्त गर्नुभएको छ ।

कारागार प्रशासनिक प्रमुख कमलप्रसाद आचार्यले यस पहलको लागि संस्था र बन्दी किर्तन राजभण्डारीलाई धन्यवाद दिनु भयो।। उहाले यस्ता कार्यक्रमहरूले कारागारका बन्दीहरूको जीवनस्तर सुधार्न मद्दत गर्ने कुरा बताउनुभयो ।

कार्यक्रम समन्वयमा सहयोग गर्ने नेपाल कम्युनिष्ट पार्टी एमाले जिल्ला कमिटी सदस्य चन्द्र लामा जिम्बा, भरतपुर २४ का वडा कमिटी अध्यक्ष बिदुर थापा मगर लगायत युवा संगठन नेपाल भरतपुर महानगर कमिटी अध्यक्ष गौरव उपाध्यायलाई पनि संस्थाका तर्फबाट धन्यवाद दिइएको थियो।

यो पहलले चितवन जिल्ला कारागारका बन्दीहरूलाई स्वच्छ र सुरक्षित पिउने पानी उपलब्ध गराउने छ, जसले उनीहरूको स्वास्थ्य र कल्याणमा सकारात्मक प्रभाव पार्ने आशा गरिएको छ।