चितवन, ७ भदौ । मुग्लिन नारायणगढ सडकखण्डको सत्रकिलोमा बस अनियन्त्रित भइ पल्टिादा १० जना यात्रु घाइते भएका छन् । गौरबाट पोखरा जाँदै गरेको ग२ख ४७ नम्बरको यात्रुबस मुग्लिन नारायणगढ सडकखण्डमा पर्ने भरतपुर–२९ सत्रकिलोमा आज दिउँसो अनियन्त्रित भइ पल्टिएको थियो ।
बाटो माथिबाट ढुंगा खस्दा चालक आत्तिएर नियन्त्रण गुमाउँदा बस पल्टिएको जिल्ला प्रहरी कार्यालय चितवनले जनाएको छ । बस पल्टिँदा घाइते भएका सबै यात्रुको उद्धार गरी उपचारका लागि भरतपुर ल्याइएको प्रहरीले जनाएको छ । दुर्घटनाका कारण सावरीसाधनमा क्षति भएको तथा घटनास्थलतर्फ जिल्ला प्रहरी कार्यालय, जिल्ला ट्राफिक प्रहरी कार्यालयबाट प्रहरी टोली पुगी घटनाबारे थप अनुसन्धान अगाडि बढाएको प्रहरीले जनाएको छ ।