काठमाडौं,साउन ५- नेपाली कांग्रेसका महामन्त्री गगन थापाले नयाँ सहमतिपछि प्रधानमन्त्री बनेका केपी शर्मा ओलीले दुई वर्षपछि आफ्नो पार्टीलाई सरकार हस्तान्तरणमा संशय रहेको टिप्पणी गरेका छन्। शनिबार ४२ औं बीपी स्मृति दिवसका सन्दर्भमा ओजित एक कार्यक्रममा उनले भने, ‘सहमतिका बुँदाहरूमध्य एउटा बुँदामा हामीले स्थिरिता दिन्छौं भनेर भन्यौं। सरकार असाध्यै बदलिए, त्यही कारण अब हामी २०८४ सम्म हामी तलमाथि गर्दैनौं भनेर भन्यौं।’

नेपाली कांग्रेस र नेकपा एमालेबीच भएको सहमति अनुसार पहिलो चरणमा २ वर्षसम्म नेकपा एमाले अध्यक्ष ओली र त्यसपछि आफ्नो पार्टीका सभापतिको नेतृत्वमा सरकार बन्ने समझदारी भएको उल्लेख गर्दै थापाले त्यो पालना हुनेमा सबैका मनमा संशय रहेको बताए।

‘यसो कुराकानी गर्ने हो भने सबैको मनमा संशय छ,’ उनले भने, ‘अहिले हामीले भाषणमा एउटा कुरा भन्यौं भने पनि बाहिर निस्केकाबेला भोलि भनेको बेलामा छोड्छ तरु ठ्याक्कै हुन्छ त भन्ने सबैका मनमा छ। संसदमा ताली ठोक्दा पनि मनमा खोइ हुने हो कि नहुने हो भन्ने छ।’ प्रमुख नेताहरूले बिगतमा एकले अर्काई ढाँटेकाले नै यस्तो वातावरण बनेको थापाको जिकिर छ। उनले अघि भने, ‘किनभने एकले अर्कालाई यतिपटक ढाँटिसकियो छ। उल्ले उल्लाई ढाँटेको छ। उल्ले उल्लाई छक्काएको छ। उसले उसलाई ढाँटेको गन्दा पनि १५र१६ पटक पुग्दो रहेछ। यो स्थितिमा हामी दुईटा पार्टी यहाँ आएको अवस्था छ। यो तहको अविश्वास छ। हस्ताक्षर गर्नेमा पनि अविश्वास छ। हस्ताक्षर ठिक हो भनेर निर्णय गर्नेमा पनि अविश्वास छ।’

यो सरकार र अहिलेको समझदारी यो संशयबाट मुक्त हुनुपर्नेमा थापाले जोड दिएका छन्।