गैंडाकोट नगरपालिका वडा नं.७ को तीस बिघा जमीनमा सिचाइ गर्ने लक्ष्य रहेको देबिथान डिप ट्युबेल बोरिङको शिलान्यास गरिएको छ । आईतवार नेपाली कांग्रेसका क्षेत्रीय सभापति अमित भट्टचनले शिलान्यास गर्नु भएको हो ।
नेपाली कांग्रेसका क्षेत्रीय सभापति तथा शिलान्यास कार्यक्रमका प्रमुख अतिथि अमित भट्टचनले समग्र गैंडाकोट नगरपालिकानै कृषिको लागि उपयुक्त भएको र यस्ता खालका सिंचयुक्त आयोजनाले गैंडाकोटका कृषक लाभान्वित हुने बताउनु भयो । उहाँले स्थानिय सरकार तथा अन्य निकायबाट पनि प्रतक्ष जनजिविका संग जोडिने बिकासका काममा जोड दिन आग्रह गर्नुभयो ।
तीन बर्षमा समापन गर्ने लक्ष्य सहित सिचाइ आयोजनाको लागि गण्डकी प्रदेश सरकारले आर्थिक बर्ष ८०/८१ को लागि बीस लाख बजेट बिनियोजन गरेको छ । पहिलो बर्ष जमीन मुनि बाट पानी निकाल्ने काम सम्पन्न हुने छ भने क्रमशः भबन बनाउने , ट्याङ्की बनाउने र सिँचाइ गर्नको लागि पाइप बिछ्याउने काम गरिने भएको छ ।
कार्यक्रममा बोल्दै देवीथान जल उपभोक्ता समितिका अध्यक्ष जय कृष्ण सापकोटा ले आयोजना सम्पन्न पछी समग्र वडाको सिँचाइ मा सहजता हुने र अहिले संचालन मा रहेका अधिकांश पम्प हरु भन्दा पाँच गुणा गहिरो गरि डिप बोरिङ गर्न लागेकोले लामो समय सम्म सिचाइ गर्न कुनै समस्य नहुने बताउनु भयो । आयोजना सम्पन्न पछि वडाका बासिन्दाहरु प्रतक्ष रुपमा लाभान्वित हुनेछन् ।
