चितवन, ३ माघ । नवाैं खिचरा महाेत्सवमा आयाेजना भएकाे डान्स आइडलमा आठ जना प्रतियाेगीहरू फाइनलमा प्रवेश गरेका छन् ।

दाेश्राे राउण्डमा प्रवेश गरेका प्रतियाेगीहरू मध्ये फाइनलमा प्रवेश गर्नेहरू जेसिका चाैधरी, किमस महताे, खुशी खरेल, सपुन सिरमल, लक्ष्मी सुनार, सुष्मिता गिरी, दिपिका गिरी, सरस्वती गिरी छनाैट भएकाे डान्स आइडलका कार्यक्रम संयाेजक हरिशरण चाैधरीले जानकारी दिनुभयाे । डान्स आइडलकाे फाइनल माघ ६ गते हुने जनाइएकाे छ ।

फाइनलमा प्रथम, द्वितीय र तृतीय हुने प्रतियाेगीले क्रमश: ३० हजार, २० हजार र १० हजार नगद पुरस्कार प्राप्त गर्नेछन् । आजकाे राउण्डमा निर्णायककाे भूमिकामा थारू कलाकार सभा चितवनका अध्यक्ष तथा निर्देशक सुरेश चाैधरी, थारू कलाकार सभाका उपाध्यक्ष तथा निर्देशक हिरा चाैधरी र माेडल मुस्कान चाैधरी रहनु भएकाे थियाे ।

भाेली माघ ४ गते चर्चित गायक कमल खत्री, गायिका मेलिना मैनाली, थारु कलाकार विश्व चाैधरी तथा थारू साँस्कृतिक नाचगीत र यात्रा ब्याण्डकाे प्रस्तुति रहने साँस्कृतिक कार्यक्रम संयाेजक जयश चाैधरीले जानकारी दिनुभयाे । महाेत्सव खैरहनी -५, जबकाैली गाैचरनमा माघ १० गतेसम्म हुनेछ ।