गैँडाकोट । देवचुली नगरपालिकामा सरकारी मोटरसाइकलको चरम दुरुपयोग  भइरहेको पाइएको छ । जनप्रतिनिधि तथा कर्मचारीलाई दिइएको मोटरसाइकल  घरायसी कामकाजमा प्रयोग भइरहेको भेटिएको हो । देवचुली नगरपालिकाको कर्मचारीले दशैको दिन उक्त मोटरसाईकलको प्रयोग गरी दुरुपयोग गरेका हुन् ।

स्थानीय व्यक्तिहरुबाट आज दशैको बिदाको दिनमा पनि  देवचुली नगरपालिकाको सरकारी बाइक चलाउँदै गैंडाकोटका विभिन्न ठाउँमा हिडेको खबर आए पछी हामीले खोज्दै जादा गैंडाकोट नगरपालिका ८ बिजय चोक मा ना १ ब २८६९ नम्बर को सरकारी मोटरसाइकल सहित आफूलाई देवचुली नगरपालिकाको शिक्षा अधिकृत बताउने नन्दलाल ढकाल र बाइक चालक अर्को युवकलाई फेला पारेको थियौ । हामिले सोधपुछ गर्दा बाइक चलक सङ सवारी चालक अनुमतिपत्र नभएको र नजिकै मात्र बाइक चलाएको प्रतिक्रिया दिए।

देवचुली नगरपालिकाको मेयर हरि प्रसाद न्यौपानेले भने आफ्नो नगरपालिका बाट कुनै पनि सरकारी सवारी साधन बिदाको दिन चलाउन नपाउने र त्यस्तो गर्ने जो कोहि पनि कारबाहीमा पर्ने बाताउनुभयो।

जिल्ला प्रशासन कार्यालयबाट पनि अतिआवश्यक काममा प्रयोग हुने सवारी साधन लाई मात्र बिदाको दिन चलाउन अनुमती दिने गरेको भएपनि कति पय स्थानिय तहका कर्मचारीले अनुमती नै नलिगी आफू खुसी ब्यक्तिगत प्रायोजनको लागि दुरुपयोग गर्ने गरेको प्रमुख जिल्ला अधिकृत कल्पना श्रेष्ठले बताउनु भयो ।