गैंडाकोट

एजेके युनिसेक्स सैलुनले विद्यार्थीहरुका लागि निःशुल्क कपाल काट्ने कार्यक्रम सन्चालन गरेको छ । यस कार्यक्रमका लागि एजेके युनिसेक्स सैलुनले गैँडाकोट नगरपालिका वडा नं. ५ मा अवस्थित जनक नमूना माध्यमिक विद्यालयका सय जना विद्यार्थीहरुको निशुल्क कपाल काटिएको हो ।

अधिकांस सैलुनमा हाल भारतिय नागरिकहरु कार्यरत रहेकोमा स्थानीय युवाहरुलाई तालिम दिई स्वरोजगार सृजना गर्न र पैसा स्वदेशमा आफ्नै परिवार सँग बसेर पनि सहजताका साथ कमाउन सकिन्छ भन्ने पाठ सिकाउनका लागि यस्तो कार्यक्रम आयोजना गरिएको एजेके युनिसेक्स सैलुनका निर्देशक अम्बिक कार्कीले बताउनुभयो । सामुदायिक विद्यालयमा आर्थिक रुपमा विपन्न परिवारका बालबालिकाहरुले अध्ययन गर्ने भएकोले सामुदायिक विद्यालयमै पुगेर सेवा दिइएको कार्कीले बताउनुभयो ।

यस्तो कार्यक्रमले युवाहरुमा सिप प्रतिको सम्मानको साथै विद्यार्थीको कपाल काट्ने शैलीमा एकरुपता ल्याउने बताईएको छ । यस बाट कुल सय जना विद्यार्थीहरु लाभान्वित भएका थिए । यस्तो प्रशंसनीय कार्यको लागिएजेके युनिसेक्स सैलुन लाई जनक विद्यालय परिवारले धन्यवाद समेत ज्ञापन गरेको छ । एजेके युनिसेक्स सैलुन गैंडाकोट ५ कार्की चोकमा रहेको छ ।