बुटवल –

चितवनको नारायणगढमा मुख्य कार्यालय रहेको कनेक्ट अष्ट्रेलियन एजुकेसन एण्ड भिसा सर्भिसले बुटवलमा शाखा सञ्चालन गरेको छ ।

बुटवलको मैत्रीपथस्थित शाखाको शनिबार एक कार्यक्रमकाबीच उद्घाटन गरिएको छ । शाखा कन्सल्टेन्सीको इक्यानका निवर्तमान अध्यक्ष प्रकाश पाण्डेले उद्घाटन गरेका हुन्। उद्घाटन कार्यक्रममा बोल्दै पाण्डेले कनेक्टले सबैको मन जित्न सफल भएको बताए । विद्यार्थी तथा अभिभावकको विश्वासकै कारण बुटवलमा पनि शाखा स्थापना गर्न सफल भएको भन्दै उनले सफलताको कामना गरे ।

स्थानीय व्यवसायी दीपक पौडेलले नयाँ शाखाको सफलताको कामना गरे । उनले अन्य शहरहरुमा पनि शाखा विस्तार गरेर उचित परामर्श दिन आग्रह गरे । बुटवलका विद्यार्थीहरुको सहजताका लागि बुटवलमा शाखा विस्तार गरिएको शाखा प्रमुखद्धय रोशन न्यौपाने र शम्भु पन्तको भनाइ छ ।

कनेक्ट अष्ट्रेलियाका प्रमुख देवराज कँडेल नेपालबाट अष्ट्रेलिया पुग्ने विद्यार्थीहरुलाई त्यहीँबाट आवश्यक सहयोग गरिने बताए । यसकारण विद्यार्थीहरुले ढुक्क भएर कनेक्टबाटै परामर्श लिन सकिने उनको भनाइ छ ।

कनेक्ट नेपालका प्रमुख मेघराज कँँडेलले कार्यक्रममा स्वागत मन्तव्य दिदै विद्यार्थीलाई अष्ट्रेलिया जानका लागि मात्र भइ त्यहाँ पुगेका विद्यार्थीहरु नेपाल फर्किन चाहेमा पनि परामर्श दिने गरेको बताए । उनले आफू स्वयं अष्ट्रेलियाबाट फर्किएको स्मरण गर्दै त्यहाँ अनुभव बटुलेर नेपालमा केही गर्न सकिने बताए ।

कार्यक्रममा हाँस्य कलाकार राजा राजेन्द्रले हाँस्य प्रस्तुति दिएका थिए । उद्घाटन कार्यक्रममा अष्ट्रेलिया तथा क्यानडाका बिभिन्न कलेजका प्रतिनिधिहरु तारा गुरुङ, मुकेश धमला, कृष्ण शर्मालगायत उपस्थित थिए ।

सन् २०१७ मा चितवनमा कनेक्टको मुख्य कार्यालय स्थापना भएको थियो । ६ वर्षदेखि उच्च शिक्षाका लाही अष्ट्रेलिया, क्यानडा लगायतका जाने विद्यार्थीलाई परामर्श दिदै आएको कनेक्टले देशभर आठ शाखा सञ्चालन गरिसकेको छ । बुटवलमा विस्तारित कनेक्टको नवौं शाखा हो ।