चितवन – चितवन भेटेरान फुटबल क्लबले नयाँ वर्ष २०८० को शुभकामना आदान प्रदान गरेको छ ।

क्लबले एक कार्यक्रमकाबीच शुभकामना आदान प्रदान गरेको हो । कार्यक्रममा बोल्दै चितवन जिल्ला फुटबल संघका अध्यक्ष श्री कृष्ण कार्कीले चितवन भेटेरानले भेटेरान फुटबलमा देशमै छुट्टै स्थान बनाएको बताउनुभयो ।
कार्कीले आगामी दिनमा थप योजना बनाएर अघि बढ्नुपर्ने बताउनुभयो । क्लबले हरेक वर्ष आयोजना गर्ने भेटेरान कपले पनि छुट्टै पहिचान बनाएको समेत उहाँको भनाइ थियो ।

सेन्ट्रल कलेज अफ भोकेसनल ट्रेनिङका प्रिन्सिपल यज्ञविलास पौडेल (वाइबी) ले नयाँ वर्षको शुभकामना व्यक्त गर्दै क्लबसँग सहकार्य गर्न सधै तयार रहेको बताउनुभयो । उहाँले क्लबले आयोजना गर्ने अन्तर्राष्ट्रियस्तरको प्रतियोगिताले छुट्टै पहिचान बनाएको बताउनुभयो ।

पूर्व फिफा रेफ्री एवं रेफ्री संघका केन्द्रीय सदस्य विरेन्द्र पाण्डेले भेटेरान खेल्न योग्य नयाँ खेलाडीहरु पहिचान गरि अघि बढ्न सुझाव दिनुभयो । क्लबका अध्यक्ष रविन्द्र श्रेष्ठले नयाँ वर्षको शुभकामना व्यक्त गर्दै नयाँ खेलाडीहरुको पहिचान गरेर क्लबलाई थप बलियो बनाउने बताउनुभयो ।