भरतपुर : विजयादशमीको अवसर पारेर बेटर चितवनले वालगृहका वालवालिकाहरुसंग दशैं मनाएको छ । ”दशैं सवैका लागि ,एक युवा एक वालवालिकाको लागि” भन्ने मुल नाराका साथ बेटर चितवनले चितवनमा वनभोजको आयोजना गरी शनिवार वालवालिकाहरुसंग दशैं मनाएको हो ।

विगतका वर्षहरुमा जस्तै यस वर्ष पनि वालवालिकाहरूकै लागि भनेर वनभोज कार्यक्रम गरिएको संस्थाका संस्थापक सागर कार्कीले जानकारी दिनुभयो।

कार्यक्रमको आयोजना वालवालिकाहरुको अभिभावक वनेर उनीहरुसँग आफ्ना खुसी तथा आत्मियता बांड्नकै लागि गरिएको कार्कीले जानकारी दिनुभयो । अभिभावक विहिन बालबालिकाहरुलाइ आफ्नो अभिभावकको कमी महशुस हुन नदिनका लागि हरेक वर्ष यस्ता कार्यक्रम सञ्चालन गर्दै आएको उहाँले वताउनुभयो । बेटर चितवन केवल युवाहरुको समुह मात्र नभएर एउटा सपना जसलाई सार्थकता दिन अनवरत रुपमा लागि परेको पनि उहाँले वताउनुभयो।

कार्यक्रममा वालवालिकाहरुलाई विभिन्न मनोरञ्जनात्मक खेलहरू खेलाएर, नृत्यगायन गराई मनोरञ्जन गराइनुका साथै शुभकामना आदानप्रदान पनि गरिएको थियो ।

कार्यक्रममा चितवन भरतपुरको सानो घर र साहाराको घर दुई वाल गृहका गरि २९ वालवालिकाहरु समावेश भएका थिए।

विगत सात वर्ष देखि  यस संस्थाले समाजमा आफ्नो सकारात्मक छाप वनाउदै आएको छ । स्थापना कालदेखि नै यस सस्थाले समाज सुधारक , अभिभावक विहिन वालवालिकाहरुको अभिभावक तथा दुखि गरिवहरुको अन्नदाता जस्ता भुमिकाहरु निर्वाह गर्दै आइरहेको छ ।

कोभिड-१९ का कारण २ वर्ष केहि गर्न नपाएको गुनासो पोख्दै कार्कीले आगामी दिनहरुमा अझ वढि स्फुर्तिका साथ सामाजिक कार्यलाइ अघि वढाइने वताउनुभयो ।

बेटर चितवन एउटा खुला अभियान हो जसले सामाजिक परिवर्तन, युवा सशक्तिकरण, वकालत, नेतृत्व र स्वयंसेवाका लागि काम गर्दछ।