सिन्धु विकास बैंक लि. पर्सा शाखाले आज चितवनको एक विद्यालय र एक छात्रावासमा विभिन्न शैक्षिक तथा खेलकुद सामग्रीहरु वितरण गरेको छ। बैंक स्थापनाको १२ औं बर्ष पुरा गरी १३ औं बर्षमा प्रवेश गरेको उपलक्ष्यमा चितवनको खैरहनी न.पा.८ स्थित राष्ट्रीय आधारभुत विद्यालय मगनी र कालिका न.पा.१० स्थित सिद्वी छात्राबास लाई शैक्षिक तथा खेलकुद सामाग्री वितरण गरेको हो ।

राष्ट्रीय आधारभुत विद्मालय, मगनीका २५५ जना विद्यार्थीलाई ५१५ थान कापी, ३०० सेटको पेन्सिल, पेन, इरेजर, साप्नर, १ थान फुटबल , ५ थान स्कीपिङ (डोरी) , १ थान डस्टबिन र चकलेट प्रधानाध्यपक प्रेमराज भुर्तल मार्फत विद्यालयलाई हस्तानतरण गरेको र सिद्वी छात्राबासका ४५ जना विद्यार्थीलाई ११० थान कापी, २०० सेटको पेन्सिल, पेन, इरेजर, साप्नर, ५० थान टुथब्रस, ३ थान टुथपेस्ट छात्राबासका सञ्चालक भरत चेपाङ मार्फत छात्राबास लाई हस्तानतरण गरेको सिन्धु विकास बैंक पर्सा शाखाका प्रमुख वास्तविक थपलियाले बताउनुभएकाे छ। उहाँले बैंकले पनि सामाजिक उत्तरदायित्व निर्वाह गर्नुपर्ने सिन्धु बैंकको मान्यता रहेको उल्लेख गर्दै सिन्धु बैंक सधैं सामाजिक कार्यमा हातेमालो गर्दै अघि बढ्ने बताउनुभयो।

सिन्धुपाल्चोक जिल्लाकै प्रथम विकास बैंकको रुपमा स्थापित यस बैंकले आफ्नो कार्यक्षेत्र सिन्धुपाल्चोक, दोलखा, काभ्रेपलाञ्चोक, मकवानपुर र चितवन जिल्ला समेत गरी ५ जिल्लाहरुमा २५ वटा शाखा कार्यालयहरु र एउटा सिमित बैकिङ्ग ईकाइबाट बैकिङ्ग सेवा प्रदान गर्दै आईरहेको छ । बैंकले आफ्नो कार्यक्षेत्रका अधिकांश ग्रामिण भेगहरुमा बैंकिङ्ग सेवा विस्तार गरी उक्त क्षेत्रमा बसोवास गर्ने सर्वसाधारण ब्यक्तिहरुलाई सर्वसुलभ तवरले सेवा प्रदान गर्दै आईरहेको छ ।