दया दुदराज
सन्दीपले पीडित किशोरीलाई रिसोर्टमा लगेर मदिरा सेवन गर्न कर गरेका थिए

काठमाडौं । राष्ट्रिय क्रिकेट टोलीका कप्तान सन्दीप लामिछानेले आफुलाई जबरजस्तीकरणी गरेको भन्दै १७ वर्षीया किशोरीले मंगलबार जाहेरी दिएकी थिइन् । नुवाकोट घर भएकी ति कोशोरीले आफुलाई सन्दिपले गत भदौ ५ गते एक होटलमा लगेर जबरजस्तीकरणी गरेको भन्दै महानगरीय वृत्त गौसलामा उजुरी दिएकी हुन् ।

गत भदौ ५ गते राति ११ः५५ बजे सिनामंगलस्थित एक होटलमा ल्ययाएर सन्दिपले ति किशोरीलाई जबरजस्तीकरणी गरेको उजुरीमा उल्लेख छ । पीडितले दिएको जाहेरीका अनुसार, लामिछानेले पुरानो बानेश्वरबाट बालिकालाई गाडीको अगाडिको सिटमा राखेर भित्री बाटोबाट सिनामंगल, कोटेश्वर हुँदै नगरकोट पुर्‍याएका थिए। नगरकोटको एक रिसोर्टमा पुग्दा बेलुकाको ८ः३० बजेको थियो । रिसोर्टमा पुगेपछि लामिछानेले ति किशोरीलाई मादक पदार्थ सेवन गर्न कर समेत गरेका थिए ।

मदिरा सेवन गर्न अस्विकार गरेपछि सन्दीप र ति किशोरी काठमाडौं फर्किएका थिए । काठमाडौं आउँदा बेलुका ११ः५५ भएको थियो । मध्यरात पनि भएकाले आफू बस्ने ठाउँ जान अप्ठ्यारो हुने भनेर ती बालिका आत्तिएपछि सन्दीपले काठमाडौँको पिंगलास्थानमा रहेको एक होटेलमा रुम बुक गरेका थिए । होटलमा एउटामात्र कोठा बुक गरेको भन्दै युवतीले असहमति जनाएकी थिइन् ।

पीडित किशोरीले होटेलमा दुइटा रुम बुक गर्न कर गरेकी थिइन्, तर सन्दीपले भने होटेलमा एउटामात्र कोठा उपलब्ध भएको भन्दै टारेका थिए । सोही होटलको कोठा नम्बर ३०५ मा आफूमाथि बलात्कार भएको बालिकाले दिएको बयानमा उल्लेख रहेको प्रहरीले जनाएको छ ।

कुटपिट गर्दै बलात्कार !
सन्दीपले जबरजस्तीकरणी गर्न खोज्दा ति पीडित महिलाले प्रतिकारस्वरूप रुन, कराउन, चिच्याउन थालेपछि लामिछानेले कुटपिट गर्दै किशोरीमाथि पुनः करणी गरेको पीडितले जाहेरीमा उल्लेख गरिएको छ ।