जनकपुरधाम । स्थानीय निर्वाचनमा उमेदवार बन्न राजीनामा दिएकी शिक्षिका पुनः विद्यालय फर्किएपछि विवाद सुरु भएको छ । धनुषाको गणेशमान चारनाथ नगरपालिकास्थित माध्यमिक विद्यालय बरमझियामा रेखा यादव हाजिर हुन खोजेपछि विवाद सुरु भएको हो ।

उनलाई प्रधानध्यापक राजदेव यादवले आर्थिक प्रलोभनमा परी हाजिर गराउन खोजेको आरोप छ । राजीनामा बुझाएका शिक्षिकालाई हाजिर गराएपछि स्थानीयले विद्यालयमा मंगलबार तालाबन्दीसमेत गरेका छन् ।

रेखाले वैशाख ८ गते राजीनामा दिएकी थिइन् । उनी राहत तृतीय श्रेणी पदमा कार्यरत थिइन् । वैशाख ३० गते भएको निर्वाचनमा नेकपा ९माओवादी केन्द्र०बाट उमेदवारी दिने तयारी गरेपनि अन्तिम समयमा उनको टिकट खोसिएको थियो ।

उनले दिएको राजीनामामा प्रधानाध्यापक यादवले तोक पनि लगाएका छन् । वैसाख ९ गतेदेखि लागू हुने राजीनामा स्वीकृत गरिएको पत्र रेखा यादवको नाममा पठाएको देखिन्छ । उक्त पत्रको बोधार्थमा जिल्ला शिक्षा विकास

समन्वय इकाई धनुषा र गणेशमान चारनाथ नगरपालिका वीरेन्द्रबजार उल्लेख गरिएको छ । सकल राजीनामा पत्र, राजीनामा स्वीकृत गरिएको सकल पत्र र सकल दर्ता चलानी किताब अहिले उनीहरूले लुकाउन खोजेको देखिन्छ ।

सोही विषयमा वडाध्यक्षले रेखा यादवको विषयमा आवश्यक छानबिन गरी कारबाहीको लागि पालिकामा पत्र पठाएका छन् । यद्यपि, अहिलेसम्म नगर प्रमुख जितनारायण यादव, उपप्रमुख तुल्सा पाण्डे र प्रमुख प्रशासकीय अधिकृत लखनदेव यादवले कुनै चासो नदिएको

वडाध्यक्ष नन्दकिशोर यादवको गुनासो छ । शिक्षकहरूले विद्यालयमा राजनीति गरेको कारण शैक्षिक अवस्थामा नकारात्मक प्रभाव परेको उनको भनाइ छ ।