आफुलाइ डाक्टर बताउदै, बिभिन्न मानिस लाइ प्रलोभनमा पारी ठगी धन्दा चलाउदै आएकी दिक्षा पुन लुकेको अबस्थामा पक्राउ परेकी छन् ।

पक्राउ पर्नेमा बागलुङ जिल्ला ताराखोला गाउँपालिका वडा नं -१ घर भइ हाल पोखरा महानगरपालिका -२ मिरुवा बस्दै आएकी २७ वर्षीया दीक्षा पुन रहेकी छन्। कास्की प्रहरीले उनलाई बिरेठाटी, निगालोको झाडीमा लुकेर बसेको अवस्थामा पक्राउ गरेको हो ।

प्रहरीका अनुसार पुनले आफ्नो नाउँमा रहेको पोखरा फाइनान्स लिमिटेडको बैंक खातामा पर्याप्त मौज्दात रकम नरहेको जान्दाजान्दै कुल बहादुर विकलाई तीन लाख रुपैयाँको चेक दिएकोमा उक्त चेक बाउन्स भएको थियो।

चेक बाउन्स पश्चात विकले पुन विरुद्ध जाहेरी दिएकोमा प्रहरीले बैकिङ कसुर मुद्धा दर्ता गरी पुनलाई पक्राउको अनुमति लिएको थियो।

जाहेरी पश्चात फरार रहँदै आएकी पुनको खोजी गर्ने क्रममा प्रहरीले अन्नपूर्ण गाउँपालिका वडा नं -८ बिरेठाँटी स्थित निगालो घारीमा लुकेर बसिरहेको अवस्थामा उनलाई शनिबार पक्राउ गरेको कास्कीका प्रहरी नायव उपरीक्षक तथा प्रहरी प्रवक्ता सुन्दर तिवारीले जानकारी दिए।

पुनले विभिन्न व्यक्तिहरूलाई U.K. पठाई दिन्छु भन्दै रकम ठगी गरेको गुनासो सामाजिक सञ्जालमा मार्फत आएको भन्दै कोही पीडित व्यक्तिहरु भए प्रमाणसहित जिल्ला प्रहरी कार्यालय कास्कीको सम्पर्कमा आउन प्रवक्ता तिवारीले आग्रह गरेका छन्।

बिभिन्न मानिस लाइ प्रलोभनमा पारी ठगी धन्दा चलाउदै आएकी दिक्षा पुनको बारेमा गण्डकी छड्केले अघिल्ला शृङ्खलाहरुमा रिपोटिङ गरेको थियो ।करोडौ ठगेकी उनि केहि समय यता सम्पर्क बिहिन भएकी थिइन् ।