चितवन : नारायणगढ–मुग्लिन सडकमा दुई सवारी एकाआपासमा ठक्कर खादाँ ७ जना घाइते भएका छन् नारायणगढबाट मुग्लिन तर्फ आइरहेको ना६ख २७७२ नम्बरको ट्रक र बिपरित दिशाबाट गइरहेको ग २ च ३५१२ नम्बरको स्कार्पियो अन्दाजी साँझ १७ः४० बजेको समयमा भरतपुर म.न.पा.२९ मुग्लिन नारायाणगढ सडक खण्डको केराबारी भन्ने स्थानमा एक आपसमा ठक्कर खांदा स्कार्पियोमा सवार चालक सहित ७ जना घाईते भएको इलाका प्रहरी कार्यालय मुग्लिनले जनाएको छ ।
प्रहरीका अनुसार पर्सा छप्कैया २ वस्ने वर्ष ३० की साहारा खातुन उनकी छोरी बर्ष ३ की अरपित खातुन सोही ठेगाना भएका बर्ष ५०/५५ कि जुबिदा खातुन, पर्सा पर्सागढी गा पा ५ वस्ने बर्ष २२ को अजर आलम , स्कार्पियो चालक पर्साको बिरगञ्ज १३ वस्ने बर्ष ३३ को ओम प्रकाश पटेल पर्साकै छप्कैया २ बस्ने बर्ष ६०/६२ को रामजान मियाँ र
नामथर वतन नखुलेको अं. ८/९ महिनाको बालक रहेका छन् ।
घाइते मध्य स्कर्पीयो चालक ओमप्रकाश पटेल,, जुबिदा खातुन, र रामजान मियाँको अवस्था गम्भीर रहेको छ । अन्य ४ जनाको अवस्था मध्याम रहेको जिल्ला प्रहरी कार्यालय चितवनले जनाएको छ ।
घाइतेहरुको नयां मेडिकल कलेज भरतपुरमा उपचार भई रहेको छ । ट्रक चालकलाई प्रहरीले नियन्त्रणमा लिएको छ ।