काठमाडौं : सिन्धुलीको सुनकोशी गाउँपालिका–६ सितलपाटीमा आज बिहान पिकअप भ्यान दुर्घटना हुँदा चालकको घटनास्थलमै मृत्यु भएको छ ।
सिराहाबाट भैंसी लोड गरि काठमाडौं आउँदै गरेको बागमती प्रदेश–०१–०२५ च १९५३ नम्बरको भ्यान दुर्घटना हुँदा चालक सिराहाको विष्णुपुरकट्टि–१ का अन्दाजी २९ वर्षीय बल बहादुर लामाको घटनास्थलमै मृत्यु भएको हो ।
भ्यान अनियन्त्रीत भई सडकबाट अन्दाजी डेढसय मिटर तल खसेको प्रहरीले जनाएको छ ।
