पोखरा : कास्कीमा आइतवार बिहान कारले मोटरसाइकललाई ठक्कर दिदा बाबुछोरीको मृत्यु भएको छ।
कास्की जिल्लाको अन्नपूर्ण गाउपालिका १ लेवाडेमा पोखरा-बागलुङ राजमार्गमा पोखराबाट पर्वततिर जाँदै गरेको ग३च ३५२५ नम्बरको निजि कारले पोखरा आउंदै गरेको ग१८प ८१९१ नम्बरको मोटरसाइकललाई ठ’क्कर दिंदा छोरीको घटनास्थलमा र बाबु उपचारको क्रममा मृत्यु भएको हो ।
दुर्घटनामा मृत्यु हुनेहरुमा पर्वत जिल्लाको कुश्मा नगरपालिका वडा नम्बर ४ की १८ वर्षीया सबिना पुन र उनका बाबु ४५ वर्षीय जितबहादुर पुन रहेका छन्।
घाइते पुनको शरीरका विभिन्न भागमा चोटपटक लागेकाले तत्काल उपचारको लागि मेट्रोसिटि हस्पिटल पोखरामा लगिएको थियो । ग’म्भीर घा’इते भएका पुनको आज सोमवार बिहान उपचारको क्रममा मृत्यु भएको प्रहरीले जानकारी दिएको छ ।
फरार सवारी चालकलाई पक्राउ नगरेसम्म लास बुझ्न नमान्ने परिवारले बताएको छ ।
दुवै बाबु छोरीको लास मेट्रोसिटि हस्पिटल पोखरामा रहेको छ ।
