गैँडाकोट — WAY ग्रुप नेपाल नवलपुरले सञ्चालन गर्दै आएको नियमित सामाजिक अभियान अन्तर्गत मंसिर २० गते गैँडाकोट–१० संगम टोलमा सरसफाई तथा सचेतना कार्यक्रम सम्पन्न भएको छ। “हप्ताको एक दिन, एकछिन समाजको लागि” भन्ने नारासहित प्रत्येक शनिबार सञ्चालन हुने अभियान यस पटक स्थानीयवासी र अतिथिहरूको सक्रिय सहभागितामा सम्पन्न भएको हो।

कार्यक्रमका प्रमुख अतिथि संगम टोल विकास संस्था अध्यक्ष श्री सपना कँडेल रहनु भएको थियो। कार्यक्रमको सञ्चालन ऋषिराम भण्डारीले गर्नुभएको थियो भने कार्यक्रमका सभापति वे ग्रुप नेपाल नवलपुरका अध्यक्ष प्रकाश अधिकारी रहनुभएको थियो।

त्यसै गरी WAY ग्रुप नेपाल केन्द्रीय समितिका उपाध्यक्ष श्री हरिप्रसाद न्यौपाने, प्रगतिशील आमा समूह अध्यक्ष श्रीमती हिरा आचार्य, तथा बसुन्धरा देवी मन्दिर अध्यक्ष श्री महेश्वर उपाध्याय विशिष्ट अतिथिका रूपमा उपस्थित थिए।

सशस्त्र प्रहरी बल पितौजीका स.प्र.स.नी खिपीराम दर्लामी, ट्राफिक प्रहरी गैँडाकोटका कुलचन्द्र न्यौपाने, अस्थायी प्रहरी पोस्ट बेल्डियाका सब–इन्स्पेक्टर विक्रम कुमाल, परिवार सेवा समाज नवलपुरका अध्यक्ष प्रकाश परियार, तथा संगम टोल विकास संस्थाका पूर्वअध्यक्ष श्री टिकाराम कँडेल अतिथिका रूपमा सहभागी भए।

कार्यक्रमका सहभागीहरूले संगम टोल आसपासको क्षेत्रमा सरसफाई गर्दै स्थानीयलाई फोहोर व्यवस्थापन, वातावरणीय स्वच्छता र जनचेतना सम्बन्धी महत्वपूर्ण सन्देशहरु प्रदान गरेका थिए।

WAY ग्रुप नवलपुरले निरन्तर सञ्चालन गर्दै आएको यस अभियानले समुदायमा स्वच्छता, जिम्मेवारी र सचेत नागरिकताबारे सकारात्मक प्रभाव पारेको जनाएको छ। संगठनले आगामी दिनमा अभियानलाई अझ प्रभावकारी बनाउँदै निरन्तरता दिने प्रतिबद्धता व्यक्त गरेको छ।