नवलपुर, १४ भदौ । नेपाल कम्युनिष्ट पार्टी (एमाले) गैँडाकोट नगर कमिटीले पार्टीबाट निकालेका वडा कमिटी अध्यक्ष राष्ट्रिय स्वतन्त्र पार्टी (रास्वपा) प्रवेश गरेका छन् ।

एमाले गैंडाकोट–१३ का वडा कमिटीका अध्यक्ष ऋषि गौतमलाई उनको कार्यशैली र गतिविधि पार्टीको मूलसिद्धान्त नीति र विधानको नभएको भन्दै भदौ ७ गते पार्टीबाट निकालिएको थियो । उनी आज रास्वपा प्रवेश गरेका हुन् ।

रास्वपा गैँडाकोट १३ वडा समितिद्वारा आज आयोजित शुभकामना आदान–प्रदान तथा संगठन विस्तार कार्यक्रममा पार्टीका प्रवक्ता एवं सांसद मनिष झाले गौतमलाई रास्वपामा स्वागत गरेका हुन् । आजको कार्यक्रमबाट गौतमसहित धेरै जना व्यक्तिहरु रास्वपामा प्रवेश गरेका रास्वपा वडा समितिले जनाएको छ ।

पार्टीले गौतमलाई विगत एक वर्षदेखि नियमित बैठक नराखेको, नगर कमिटीको बैठकमा अनुपस्थित भएको, विपक्षीलाई सहयोग पु¥याएको, पार्टीको प्रतिष्ठा र मर्यादामा आँच पु¥याएको, पार्टीप्रति निष्ठा र विश्वास नरहेको भनी सार्वजनिक अभिव्यक्ति दिएको विरोधीहरुसँग साँठगाँठ गरेको भनी भदौ ५ गते बैठकमा बोलाएर स्पष्टीकरण लिएको थियो । नगर कमिटीको बैठकमा गौतमको जवाफ चित्तबुझ्दो नभएको र आवश्यक छानबिन गर्दा उनले संगठनप्रति षडयन्त्र र पार्टी संगठनमा गम्भीर क्षति पु¥याउने काम गरेको भन्दै एमालेले उनलाई पार्टीको सम्पूर्ण जिम्मेवारीबाट मुक्त गरी साधारण सदस्यसमेत नरहने गरी कारबाही गरेको थियो ।