चितवन, जेठ १५– वैदेशिक शिक्षाका लागि विदेश जान चाहने विद्यार्थीहरुलाई शैक्षिक परामर्श दिँदै आएका बिएमडब्लु एजुकेशन कन्टल्टेन्सि र श्रीज्मा एजुकेशन प्रालीले चितवनमा संयुक्त रुपमा सेवा सुरु गरेका छन् । चितवनमा सञ्चालित यी दुवै कन्सल्टेन्सीले बिहीबार देखि औपचारिक रुपमा सयुक्त सेवा सुरु गरेको भरतपुरमा पत्रकार सम्मेलनको आयोजना गरि जानकारी दिएको छ ।

अष्टे«लियाको सिड्नीमा मुख्य कार्यालय रहेको बिएमडब्लुले नेपालमा सन् २०१५मा आइएसओ प्राप्त गरी देशका प्रमुख सहरहरु काठमाडौँ, पोखरा, चितवन, र बर्दघाटमा कार्यालय स्थापना गरेको थियो । साथै सन् २००९मा स्थापना भएको यस कन्सल्टेन्सीले अमेरिकामा समेत सेवा प्रदान गर्दै आएको छ ।

सन् २०१६मा स्थापना भई सेवा दिँदै आएको श्रीज्मा एजुकेशन प्रालिले चितवनमा रहेर आईईएलटिएस, पिटिई र टुओईएफएल लगायतका तयारी कक्षाहरु सञ्चालन गर्दै आएको थियो । यी सेवाहरु सयुक्त रुपमा सञ्चालन गर्ने निर्णय गरेको श्रीज्मा एजुकेशनका व्यवस्थापक जितेन्द्र पौडेलले जानकारी दिनुभयो । विदेशमा उच्च शिक्षा हासिल गर्न चाहने विद्यार्थीलाई आवश्यक सेवाहरु प्रदान गरिने उहाँले बताउनुभयो ।

यहाँबाट परीक्षाको तयारी, करियर परामर्श, छात्रवृत्ति सहयोग, कागजात निर्देशन र भिसा एप्लाई, आप्रवासन सहयोग लगायतको क्षेत्रमा काम गरिने बिएमडब्लु एजुकेशन कन्टल्टेन्सिका व्यवस्थापक मणि सिलवालले जानकारी दिनुभयो ।