गैंडाकोट, जेठ ९ — नवलपरासी (ब.सु.पू.), गैंडाकोट स्थित कालिका संस्कृत विद्यापीठमा आज शुक्रबार “विद्यार्थीमाझ डा. प्रकाश शरण महत एवं चियापान समारोह – २०८२” कार्यक्रम भव्यरूपमा सम्पन्न भएको छ। नेपाल विद्यार्थी संघ (नेविसंघ) इकाई समिति कालिका संस्कृत विद्यापीठको आयोजनामा सम्पन्न सो कार्यक्रममा विद्यार्थी, शिक्षाशास्त्री, राजनीतिज्ञ तथा विभिन्न सामाजिक क्षेत्रका विशिष्ट व्यक्तिहरूको उपस्थिति रहेको थियो।
कार्यक्रमका अध्यक्षतामा स्ववियु सभापति अनुप भण्डारी रहनुभएको थियो भने प्रमुख अतिथिका रूपमा अर्थविद् एवं माननीय डा. प्रकाश शरण महतको गरिमामय उपस्थितिले कार्यक्रमलाई अझ प्रेरणादायक बनाएको थियो। विशिष्ट अतिथिको रूपमा नेपाली कांग्रेस नवलपुर क्षेत्र नं. 1 क का सभापति गोपाल सापकोटा, नेपाली कांग्रेस महाधिवेशन प्रतिनिधि तथा विद्यापीठ सञ्चालक समिति अध्यक्ष ॐ प्रसाद सापकोटा, कालिका संस्कृत विद्यापीठका प्राचार्य केशव चालिसे सहभागी हुनु भएको थियो। अन्य अतिथिहरूमा नेविसंघ केन्द्रीय सदस्य अनुराग शाह तथा अक्षय गजुरेल, तरुण दल प्रदेश १ क का सभापति राजु पौडेल नेविसंघ जिल्ला सदस्य तथा विद्यापीठका प्रतिनिधि प्रतिकज्यूको उल्लेखनीय उपस्थिति रहेको थियो।
कार्यक्रममा प्रमुख अतिथि डा. महतले वर्तमानमा सँस्कृतको महत्व, आर्थिक परिदृश्य, विद्यार्थीको भुमिका, र युवा नेतृत्वबारे महत्वपूर्ण मन्तव्य दिनु भएको थियो। साथै, चियापान कार्यक्रमले आपसी समन्वय र संवादलाई प्रवर्द्धन गर्दै आपसी सम्बन्धलाई थप प्रगाढ बनाएको सहभागिहरूको धारणा थियो। कार्यक्रम सफलताको साथ सम्पन्न भएकोमा आयोजक संस्था नेपाल विद्यार्थी संघ कालिका संस्कृत विद्यापीठ इकाई समितिले सबै अतिथि, सहभागी एवं स्वयंसेवकप्रति आभार प्रकट गरेको छ।
