गैंडाकोट, नवलपुर — वैशाख २७, २०८२
नवलपुरको गैंडाकोट–५, कुसुमघाटस्थित राधाकृष्ण मन्दिर परिसरमा कुसुमघाट टोल विकास संस्थाको आठौं वार्षिक साधारणसभा तथा राधाकृष्ण महिला समूहको अधिवेशन भव्य रूपमा सम्पन्न भएको छ।

कार्यक्रमको अध्यक्षता संस्थाका अध्यक्ष सुदर्शन प्रसाद खरेलले गर्नु भयो भने प्रमुख अतिथि वडा नं. ५ का अध्यक्ष रत्न प्रसाद सापकोटा तथा विशिष्ट अतिथि शान्ति न्यौपाने रहनु भएको थियो। कार्यक्रमको सञ्चालन संस्थाका सचिव कृष्ण सापकोटाले गर्नु भएको थियो।

अधिवेशनमार्फत राधाकृष्ण महिला समूहको नयाँ कार्यसमिति गठन गरिएको छ। जसअनुसार शारदा घर्ती अध्यक्ष, जानुका लामिछाने उपाध्यक्ष, निरु गौड्याल कोषाध्यक्ष, सवित्रा महत सचिव, शुसिला सापकोटा सहसचिवमा चयन हुनुभएको छ।

त्यस्तै, सदस्यहरूमा कल्पना किसान, लेखा पौड्याल, टिका वास्तोला, पार्वती चापागाईं, इन्दिरा सुवेदी खनाल र सावित्री पौड्याल मनोनित हुनु भएको छ। सल्लाहकारको रूपमा चेतकुमारी अधिकारी, कुमारी तमाङ र रिता कंडेल चयन गरिएका छन्।

कार्यक्रममा समुदायमा महिलाको नेतृत्व र सशक्तिकरणका साथै सामाजिक विकासका विविध पहलुहरूबारे छलफल गरिएको थियो। सहभागीहरूले संस्थाको भूमिकालाई सराहना गर्दै आगामी दिनमा अझ प्रभावकारी गतिविधिहरू सञ्चालन गरिने प्रतिबद्धता व्यक्त गरेका थिए।