चितवन, वैशाख १६-
आज मिति २०८२ साल वैशाख १६ गते मंगलबार, यस्तो छ आजको राशिफलः
मेषः बोली र व्यवहारमा सतर्कता अपनाउनु होला । कुनै कार्यका लागि अरितिक्त खर्च गर्नुपर्ने देखिन्छ । केही विवादास्पद कामको जिम्मेवारी वहन गर्नुपर्ला । आत्मबल बढाएर काम गरेमा आफ्नै दक्षतामा विभिन्न कार्यहरू सम्पन्न हुनेछन् ।
वृषः विगतको श्रमबाट उत्साहजनक नतिजा प्राप्त हुनेछ । प्रतिष्ठित व्यक्तिहरू सहयोगीका रूपमा देखापर्नेछन् । शत्रु र रोगबाट छुटकारा मिल्ने योग छ । बिछोडिएका परिवारजनसँग भेटघाट हुनेछ । रमाइलो जमघटका बीच स्वादिष्ट भोजनको आनन्द प्राप्त हुनेछ ।
मिथुनः अरूका विषयमा चासो लिँदा झमेला आइलाग्न सक्नेछ । अवसर जुटे पनि ठूलो उपलब्धि नहुन सक्छ । खर्च लागे पनि लगानी बढाउने अवसर आउन सक्नेछ । अर्थअभाव खट्किए पनि आवश्यक पर्दा सरसापट वा कर्जामार्फत धन जुट्नेछ ।
कर्कटः रमाइलो जमघटका बीच स्वादिष्ट भोजनको आनन्द लिने अवसर जुट्नेछ । सुन्दर पहिरनले व्यक्तित्वमा आकर्षण ल्याउनेछ । सन्तान तथा प्रेमीप्रेमिकाको साथ प्राप्त हुनेछ । राज्य पक्षले हजुरको वौद्धिकता प्रती सम्मान प्रकट गर्ने योग परेको छ ।
सिंहः नोकरी तथा राजनीतिमा पनि उत्साहजनक सफलता प्राप्त हुनेछ । अध्ययनअनुसन्धानले सफलताको उचाइमा पुर्याउन सक्नेछ । कार्यक्षेत्रमा बौद्धिक अभिव्यक्तिको तारिफ हुनेछ । ठूलावडा, अधिकारी वर्गहरूबाट प्रशंसा पाइने समय रहेको छ ।
कन्याः सरकारी काममा झमेला आइलाग्ने छ । काममा निराशा छाउनेछ । रचनात्मक काम सुरु गर्ने मौका छ । वैदेशिक कार्य अघि बढ्नेछ । आफ्नो क्षेत्रमा प्रभुत्व जमाउन सकिनेछ ।
तुलाः मिहिनेत गरेपनि अन्त्यमा काम नबन्नाले दिक्क लाग्ने छ । यात्राको योग छ, अलिक सचेत हुनुपर्छ । बास बस्ने गरी टाढा जानु हुँदैन । प्रतीक्षित नतिजा कमजोर देखिनाले काम दोहोर्याउनुपर्ने हुन सक्नेछ ।
बृश्चिकः शैक्षिक अवस्था सहज बन्नेछ । व्यापारमा उचित मुनाफा हुनेछ । दाजुभाई तथा इष्टमित्रको पर्याप्त सहयोगले बिग्रनै लागेको काम पनि बन्ने देखिन्छ । मनोरञ्जनमा अत्यधिक रुचि रहनेछ ।
धनुः आफ्नो भूमिकाप्रति हस्तक्षेप गर्नेहरूले सताउन सक्नेछन् । नियमित काम र व्यापारमा भने मनग्य लाभ हुनेछ । व्यावसायिक यात्रा गर्ने साइत जुर्नेछ । आदर्श ब्यक्तिको सहकार्यले नयाँ अनुभव मिल्नेछ । कुनै शुभ समाचारले मनमा शान्ति छाउनेछ ।
मकरः आज सुखदुःख बराबरी खालको समय छ । गुरुजनको सुझाव र सन्तानको सहयोग लाभदायी बन्नेछ । संघर्षपूर्ण काम गर्नुपरे पनि जीवनशैलीमा सुधार ल्याउन सकिनेछ । कुनै शुभकर्म गर्नु पूर्व भोलेबाबालाई स्मरण गरि कार्य प्रारम्भ गर्दा राम्रो पक्ष हुनेछ ।
कुम्भः काम विग्रने खालको समय छ । आफन्तहरु संग झगडा हुनसक्नेछ । आज नयाँकामको थालनि नगरेको राम्रो हुनेछ । व्यापार व्यवसायमा आफ्नो बुद्धि र विवेकको प्रयोग गरेर अगाडि बढ्नुहोला । युवाहरूको लागि करियर बनाउन नयाँ अवसर मिल्नेछ ।
मीनः भाइबहिनी वा सन्ततिका तर्फबाट खुशीको खबर प्राप्त हुनेछ । व्यवसायबाट फाईदा हुनेछ । शिक्षा एवं राजनैतिक क्षेत्र सबल हुने देखिन्छ । सुन्दर पहिरनले व्यक्तित्वमा निखारता ल्याउनेछ । कसैलाई सापटी दिएको रकम फिर्ता मिल्नसक्नेछ ।
