चितवन, वैशाख ७-
आज मिति २०८२ साल बैशाख ७ गते आइतबार, यस्तो छ आजको राशिफल:
मेषः
मेष राशी हुनेका लागि आजको दिन लाभदायक रहेको छ । प्रतिष्ठित काम गर्ने अवसर प्राप्त हुनेछ । कृषिक्षेत्र, व्यापार व्यावसाय एवं शिक्षा क्षेत्रमा प्रगति हुनेछ ।
वृषः
अरुको फाइदाको लागि उपयोग भईएला । जोखिमपूर्ण वा विवादास्पद जिम्मेवारी वहन गर्नुपर्ला । टाढिएका साथीभाइसँग भेटघाट हुने समय रहेको छ ।
मिथुन:
शुभ कार्य तथा सामाजिक क्षेत्रमा धन खर्च हुनेछ । मध्यान्नबाट गरिरहेका कार्यहरुमा अकस्मात् बाधा आइपर्ने संभावना देखिन्छ । हल्लाको भर पर्दा दुःख पाईनेछ । आफूलाई स्वास्थ्यमा कमजोर भएको अनुभूती हुनेछ ।
कर्कटः
प्रतिष्पर्धीहरुलाई किनारा लगाउन सकिनेछ । व्यापार व्यावसाय फस्टाउनेछ । बलजफ्ती गरेरै भए पनि चिताएको काम बनाउन सकिनेछ । आम्दानीका नयाँ स्रोत फेला पर्नेछन् ।
सिंह:
नयां कामको अवसर मिल्नेछ । मित्र तथा आफन्तजनबाट साथसहयोग मिल्नेछ । उद्योग र व्यापार व्यावसायमा फाइदा हुनेछ । पुरानो समस्याबाट मुक्ति मिल्नेछ ।
कन्याः
चिन्ता छाडेर चिन्तन गर्ने समय छ । मेहनतले परिस्थितिलाई आफ्नो अनुरूप ढाल्न सक्नुहुनेछ । कुनै सुखद समाचारले दिन उत्साह र आनन्दपूर्ण रहनेछ । दिनको उत्तरार्धमा दिन सुखद् देखिन्छ ।
तुला:
मनमा चञ्चलता बढ्नेछ । झन्झटिलो काममा संलग्न हुनुपर्ने समय छ । कार्यगर्दा ध्यान पूर्वक गर्नुपर्ने समय रहेको छ । कुनै कुरामा वैचारिक मतभेद सिर्जना हुनसक्नेछ ।
बृश्चिक:
सुखदुःखमा साथ दिनेहरू पसस्तै भेटिनेछन् । धनसम्पत्तीको लाभ हुने योग रहेको छ । शारीरिक रुपले ज्यादा तन्दुरुस्त महसुस हुनेछ । वौद्धिक तथा प्राज्ञिक उन्नयनको दिन परेको छ ।
धनु:
स्वादिष्ट भोजनको अवसर जुट्नेछ । अरुलाई प्रभावित पारेर काम हुने समय छ । मीठो बोलीवचनको कारण आफन्त तथा मित्रजन मन्त्रमुग्द रहने छन् ।
मकर:
लगनशीलताले कामहरु अगाडी बढ्नेछन । शुभचिन्तकहरुको सहयोग जुट्न सक्नेछ । । नयाँ कार्यको योजना बन्नेछ । पारिवारिक जमघटमा मन रमाउनेछ ।
कुम्भः
रमाइलो क्षणमा अचानक खिन्नता बढ्ला । आश्वासन वाड्नेहरुले झुक्याउने छन् । नयाँ योजना कार्यान्वयनमा ल्याउन मुस्किल पर्नसक्छ । प्रेमी-प्रेमीकाका बिच मतभेद पनि बढ्ला । तर वैदेशिक, प्राविधिक र टेक्निकल कामहरूबाट लाभ मिल्नेछ ।
मीनः
आंटेको र ताकेको कार्य सफल हुने योग छ । व्यापार व्यासायमा वृद्धि हुनेछ । विशिष्ट व्यक्तित्वसँग भेटघाट हुनेछ । नजिकको व्यक्तिबाट कार्य पुरा हुनेछ । आफ्नो पेशामा बढुवाको योग पनि रहेको छ ।
