गैँडाकोट, ६ वैशाख । नवलपुरको गैँडाकोटमा रहेको सूर्यभक्त पदनादेवी मेमोरियल कलेज (एसपीएम)को स्वतन्त्र विद्यार्थी युनियन (स्ववियु)ले भित्तेपात्रो सार्वजनिक गरेको छ ।
स्ववियु एसपीएम कलेजले तयार पारेको नयाँ वर्ष २०८२ को भित्तेपात्रो नेपाल विद्यार्थी संघ स्थापना दिवसको अवसर पारेर शनिबार विमोचन गरिएको हो । भित्तेपात्रोको विमोचन गैँडाकोट नगरपालिका प्रमुख मदनभक्त अधिकारीले गर्नुभयो । स्ववियुले आयोजना गरेको स्वागत, विदाइ एवम् क्यालेण्डर विमोचन कार्यक्रममा प्रमुख अतिथि रहनुभएको नगरप्रमुख अधिकारीले भित्तेपात्रो विमोचन गर्नुभएको हो ।
कार्यक्रममा विशिष्ट अतिथिको रुपमा एसपीएम कलेज व्यवस्थापन समितिका अध्यक्ष महेन्द्रभक्त अधिकारी, नेपाली काँग्रेस महाधिवेशन समिति सदस्य गोकुल सापकोटा, नेपाली काँग्रेस नगर सभापति बद्रि सापकोटा तथा अतिथिहरुमा एसपीएम कलेजका क्याम्पस प्रमुख दीपेन्द्र पौडेल, पब्लिक क्याम्पस प्राध्यापक संघ एसपीएम कलेजका सभापति अर्जुन गिरी, नेपाली काँग्रेस गैँडाकोट २ का वडा सभापति नारायण सापकोटा, नेपाल किसान महासंघ जिल्ला सदस्य राजेन्द्र गौडेल, नेपाल बक्सिङ संघ गण्डकी प्रदेश सदस्य दलबहादुर राना, नेवि संघ केन्द्रीय सदस्य विक्रम कँडेल, नेवि संघ जिल्ला सदस्यहरु श्याम वन, जित खड्का, प्रतीक सापकोटा, नेविसंघ गैँडाकोट नगर सभापति पवन कार्की, नेविसंघ कावासोती नगर सभापति कुमार क्षत्रीलगायतको सहभागिता रहेको थियो । कार्यक्रम सहजीकरण स्ववियु कोषाध्यक्ष स्काइरा सापकोटाले गर्नुभएको थियो ।
