चितवन, २२ फागुन । विगत आठ वर्षदेखि सञ्चालनमा आएको पशुपति ग्रेनाइट एण्ड टायल्सको पाँचौं विस्तारित शाखा भरतपुरको विकास चोकमा सञ्चालनमा आएको छ । कजरिया ब्राण्डको टायल्स सहित अन्य टायल्स र मार्बल बिक्री गर्ने उद्देश्यले आज दिउँसो भव्य समारोहकाबीच पाँचौं विस्तारित शाखाको उद्घाटन गरिएको छ ।
कार्यक्रममा पशुपति ग्रेनाइट एण्ड टायल्सका सञ्चालक नवराज पोखरेलले आठ वर्ष अगाडि एउटा शाखाबाट कारोबार सुरु गर्दै अहिले पाँचवटा काउन्टर पु¥याएको बताउनुभयो । आफूहरुले नवलपरासीको भूमहीमा आफ्नै ग्रेनाइट फ्याक्ट्री सञ्चालनमा ल्याउने तयारी गरिरहेको भन्दै अबको एक महिनाभित्र उत्पादन सुरु रिने पोखरेलको भनाइ छ । आफूहरुको पाँच वटा शाखाबाट दुई सय जनालाई रोजगारी प्रदान गरिरहेको भन्दै उहाँले निरन्तर व्यवसायमा लाग्दा सफलता प्राप्त गरिने बताउनुभयो ।
कजरियाको उत्पादनमा रङ नजाने भन्दै रङमा २० वर्ष ग्यारेन्टी भएको तथा टायल्समा स्क्र्याच आएमा पनि निःशुल्क साटिने उहाँले बताउनुभयो । पचास प्रतिशत विदेशी लगानीसहित सञ्चालनमा आएको स्वदेशी कम्पनी कजरिया रेमश टायल्स लिमिटेडले उत्पादन गरेको टायल्स युरोपलगायतका विदेशी बजारमा समेत निर्यात भइरहेको पोखरेलले बताउनुभयो । उपभोक्ताहरुको माग बढ्दै जाँदा सानो ठाउँबाट बिक्री गर्न कठिन भएपछि चार हजार बर्ग फुटको शोरुम स्थापना गरेर टायल्सहरु बिक्री गर्न सुरु गरिएको पोखरेलको भनाइ छ ।
यहाँ टायल्सका साथै मोडुलर किचनसहित इन्टेरियर डेकोरेसनका सबै काम हुने भन्दै सम्भावना देखेर लगानी बढाउँदै लगेको उहाँले बताउनुभयो । अन्तर्राष्ट्रिय गुणस्तरको सामग्री उत्पादन भएकाले ढुक्क भएर प्रयोग गर्न उहाँले आग्रह गर्नुभयो ।
कार्यक्रममा उद्योग वाणिज्य संघ चितवनका अध्यक्ष सुमनकुमार श्रेष्ठले नेपाली उत्पादन प्रवद्र्धन गर्नका लागि युवाहरु लागिपरेका भन्दै प्रशंसा गर्नुभयो । कजरिया ब्राण्डको उत्पादनले नेपालमै केही गर्न सकिन्छ भन्ने कुरामा जोड दिँदै स्वदेशी मुद्रा विदेशीन रोकेको उहाँको भनाइ छ । कोभिड पछाडि नेपाली अर्थतन्त्र तङ्ग्रिदै गएको उल्लेख गर्दै श्रेष्ठले कजरिया ब्राण्डको उत्पादन नेपाली भएकाले यसको प्रचारप्रसार गर्नुपर्ने बताउनुभयो ।
कार्यक्रममा उद्योग वाणिज्य संघ चितवनका वरिष्ठ उपाध्यक्ष चिरञ्जीवी सुवेदीले व्यवसायिक सफलताको शुभकामना दिँदै सबै उपभोक्ताले स्वदेशी उत्पादन प्रयोग गर्नुपर्नेमा जोड दिनुभयो । कार्यक्रममा कजरिया रमेश टायल्स लिमिटेडका सेल्स म्यानेजर विकास गौतमले कजरिया ब्राण्डले नेपालमा उत्पादन सुरु गरेको सात महिना भइसकेको बताउनुभयो । यस ब्राण्डका एक सय ३५ वटा आउटलेट नेपालमा रहेको भन्दै पशुपति ग्रेनाइट एण्ड टायल्स मध्ये नेपालकै ठूलो आउटलेट भएको बताउनुभयो ।
