गैँडाकोट । नवलपुरको गैँडाकोटमा आजदेखि सुरु भएको चौँथो मेयर कप अन्तरविद्यालय फुटबल प्रतियोगितामा ४ खेल भएका छन् । पहिलो खेलमा सरस्वती निकेतन आवासिय माध्यमिक विद्यालयले साइनिङ इङ्लिस स्कूल लाइ १ का विरुद्ध ३ गोलले पराजित गरेको छ । सो खेलमा प्लेयर अफ दि म्याच सरस्वती निकेतन का पुजन रानाभाट हुनु भयो।

दोस्रो खेलमा नेपाल राष्ट्रिय शमशेर माविले कालिका नमुना मा वि लाइ सडेन डेथमा पराजित गरि विजय हासिल गरेको छ । ने रा स का प्रसन कुमाल सो खेलमा प्लेयर अफ दि म्याच घोषित हुनुभएको छ ।

यस्तै तेस्रो खेलमा जनक नमुना माध्यमिक विद्यालयले वाल विकास इङ्लिस बोडिङ्ग स्कूल लाइ ० को विरुद्ध ३ गोल गरि विजयी भएको छ । सो खेलमा जनक नमुना माविका आयुष थापा प्लेयर अफ दि म्याच घोषित हुनुभयो

यस्तै आज भएको चौथो खेलमा अक्सफोर्ड ईङलिस स्कुलले गैंडाकोट नमुना इङ्लिस बोडिङ्ग स्कूललाइ ० का विरुद्ध १ गोल गरि अक्सफोर्ड ईङलिस स्कुल विजयी भएको छ । सो खेलमा मेक्सन थापा प्लेयर अफ दि म्याच घोषित भएको नगर खेलकुद समितिका उपाध्यक्ष एवं कार्यक्रम संयोजक लक्ष्मण कार्कीले जानकारी दिनुभयो ।

गैँडाकोट क्षेत्रीय रंगशालाको खेलमैदानमा आजदेखि सुरु भएको प्रतियोगिताको उद्धघाटन गर्दै गैँडाकोट नगरपालिकाका मेयर मदनभक्त अधिकारीले खेल विकासका लागि आधारभुत तहदेखि खेलका बिभिन्न कार्यक्रम गर्नुपर्ने भएकाले यस्ता कार्यक्रमलाई नगरपालिकाले निरन्तरता दिने बताउनुभयो । कार्यक्रममा उपप्रमुख शान्ति कोइराला, जनप्रतिनिधि, विद्यालयका प्रधानाध्यापक, खेलप्रेमी र सरोकारवालाको उपस्थिती रहेको थियो ।

गैँडाकोट नगर खेलकुद विकास समितिको आयोजनामा हुने प्रतियोगिताको दोस्रो दिन भोलि शनिबार ७ वटा खेल सञ्चालन हुने छन् । गैँडाकोट नगर खेलकुद विकास समितिका अध्यक्ष धामनाथ सापकोटाले प्रतियोगितामा नगरका संस्थागत र सामुदायिक गरि ३० विद्यालयका कक्षा ८ सम्मका छात्रहरुले सहभागिता जनाउने बताउनुभएको छ ।

प्रतियोगितामा प्रथम हुने समूहलाई ५१ हजार, दोस्रो हुने समूहलाई ३१ हजार, तृतीय हुने दुइवटा समूहलाई १६/१६ हजार रुपैँया नगद प्रदान गरिने गैँडाकोट नगर खेलकुद विकास समितिका उपाध्यक्ष तथा प्रतियोगिताका संयोजक लक्ष्मण कार्कीले जानकारी दिनुभयो । खेल अवधिभर उत्कृष्ट खेलाडी, सर्वाधिक गोलकर्ता, बेष्ट गोलकिपर, र वेष्ट मिड फिल्डर लाई समेत पुरस्कारको व्यवस्था गरिएको छ ।