चितवन । चितवन जिल्ला खेलकुद विकास समितिका नवनियुक्त अध्यक्ष राजन कार्कीले कार्यभार सम्हालेका छन् ।
नवनियुक्त अध्यक्ष कार्कीले सोमबार कार्यालय पुगेर आफ्नो कार्यभार सम्हालेका हुन् । प्रदेश खेलकुद विकास परिषदले कार्कीलाई पुष २६ गते ११ महिनादेखि रिक्त रहेको अध्यक्ष पदमा नियुक्त गरेको थियो । कार्यभार सम्हाले लगत्तै उनले १० औं राष्ट्रिय खेलकुद महोत्सव २०८१ को छनौट चरणका लागि चितवनबाट नाम दर्ता गराएका खेलाडीहरुको नामावली प्रदेश खेलकुद विकास परिषदलाई सिफारिस गरेका छन् ।
कार्यभार सम्हादै खेल क्षेत्रलाई राजनीतिबाट टाढा राख्ने प्रतिवद्धता व्यक्त गरेका छ्न् । खेल क्षेत्रको बिकासमा राजनीति बाधक बनेको भन्दै उनले आफ्नो चार वर्षे कार्यकालमा खेलकुदलाई राजनीति भन्दा बाहिर राख्ने बताए । उनले आफ्नो कार्यकालमा चितवनलाई खेलकुदमय बनाउने पनि प्रतिवद्धता व्यक्त गरे ।
उनले आफूले खेल, खेलाडी तथा प्रशिक्षकको हकहितका लागि काम गर्ने बताए । यस्तै अध्यक्ष कार्कीले जिल्लाका सम्पूर्ण खेलका रेफ्रीहरुलाई व्यवस्थित गरिने बताए । यसका लागि सबै पुराना रेफ्री तथा निर्णायकहरुलाई सूचिकृत तथा नविकरण गर्न आह्वान पनि गरेक छन् ।
नवनियुक्त अध्यक्ष कार्की पूर्व अन्तरराष्ट्रिय खेलाडी हुन् । उनी नेपाल सितेरियो कराँते संघ चितवनका उपाध्यक्ष तथा भरतपुर महानगर कमिटी अध्यक्ष समेत हुन् ।
