गैँडाकोट, २२ मंसिर । नवलपुरको गैँडाकोटमा रहेको स्वास्थ्य व्यवसायी संघ गैँडाकोट नगर इकाइको अध्यक्षमा ईश्वरीप्रसाद घिमिरे निर्वाचित हुनुभएको छ । संघको आज गैँडाकोटमा भएको वार्षिक साधारणसभा तथा वनभोज कार्यक्रममा घिमिरेको अध्यक्षतामा नयाँ नेतृत्व चयन भएको हो ।
संघको उपाध्यक्षमा अनिता पौडेल घिमिरे, सचिवमा खुमप्रकाश पौडेल, कोषाध्यक्षमा विमला पौडेल, सहसचिव प्रकाश श्रेष्ठ निर्वाचित हुनुभएको छ । त्यस्तै सदस्यहरुमा गोपाल शाही, भागिरथी पोख्रेल, रामचन्द्र आचार्य, सन्तोष ढकाल निर्वाचित हुनुभएको छ । संघको आमन्त्रित सदस्यमा बाबुराम खनाल, शेरबहादुर मल्ल र भावना शर्मा निर्वाचित हुनुभएको कार्यदल संयोजक नारायण घिमिरेले जानकारी दिनुभयो । त्यस्तै विमल पौडेलको संयोजकत्वमा निर्माण गरिएको लेखा समिति सदस्यहरुमा लक्ष्मण सिँजाली र विनयराज न्यौपाने रहनुभएको घिमिरेले बताउनुभयो ।
कार्यक्रमका प्रमुख अतिथि गैँडाकोट नगरप्रमुख मदनभक्त अधिकारीले स्वास्थ्यकर्मीलाई नगरपालिकाले सम्मान गर्दै सहकार्य गरेर अगाडि बढ्ने प्रतिबद्धता जनाउनुभयो । नगरपालिकामा विगत सात वर्षदेखि क्रियाशील संस्था जिल्ला प्रशासन कार्यालयमा दर्ता भएपश्चात आज पहिलो साधारणसभा गरिएको हो । सो क्रममा स्वास्थ्य स्रष्ठा हरिकुमार मल्ल ठकुरीलाई दोशल्ला तथा कदरपत्रद्वारा सम्मान गरिएको थियो ।
साधारणसभाले विभिन्न विधामा सल्लाहकार तथा व्यवसायी सदस्यहरुलाई सम्मान गरेको थियो । कार्यक्रममा वरिष्ठ प्रहरी नायब निरीक्षक रामबहादुर खत्री, गोकुल सापकोटा, नवराज कँडेल, विष्णु कँडेल, लक्ष्मण पौडेल, यकनाथ मरासिनीलगायतको सहभागिता थियो । साधारणसभा तथा अधिवेशनले संस्थाको आर्थिक तथा प्रगति प्रतिवेदन र लेखा समितिको प्रतिवेदन पारित गरेको छ ।