नवलपुर, १५ मंसिर । युवायुवतीबीचको प्रेमसँग जोडेर नवलपुरको गैँडाकोटमा रहेका विभिन्न धार्मिक तथा पर्यटकीय क्षेत्रहरुको प्रवर्द्धन गर्नेगरी तयार पारिएको म्युजिक भिडियो ‘गैँडाकोटमा’ सार्वजनिक भएको छ ।
विष्णु तिवारीको शब्द तथा आवाजमा रहेको गीत सेविल इन्टरटेनमेन्टमार्फत हिजो साँझ सार्वजनिक गरिएको हो । गीतमा पछिल्लो समयकी चर्चित मोडल कुशुम शर्मा तथा कनेक्ट एजुकेशन चितवनका सञ्चालक मेघराज कँडेलको अभिनय रहेको छ । राजा राजेन्द्रको संगीतमा रहेको गीतमा मौलाकालिका, मौलाकाली केबलकार, नारायणी नदी र पुलसहितका क्षेत्रहरुलाई मुख्य केन्द्रमा राखेर छायाँकन गरिएको छ ।
सुरेश चौधरीको निर्देशन तथा सम्पादन रहेको म्युजिक भिडियो छायाँकन सुजेन चौधरीले गरेका गर्नुभएको छ ।