चितवन, १२ मङ्सिर । चितवनको भरतपुर–१२ मिलनचोकमा रहेको बुलेट बाइकको आधिकारिक बिक्रेता सन अटोमोबाइल्सले सिग्नल्स मार्स ग्रे र डेजर्ट स्ट्रम मोडलको बिक्री शुभारम्भ गरेको छ ।
पछिल्लो समय सबै उमेर समूहका व्यक्तिहरुको रोजाईमा पर्दै गएको बुलेट बाइकको नयाँ भेरियन्ट अन्तर्गत क्लासिक सिरिजमा सिग्नल्स मार्स ग्रे र डेजर्ट स्ट्रम मोडलको आजबाट बिक्री शुभारम्भ गरिएको हो । सन अटोमोबाइल्सका सञ्चालक गोविन्द श्रेष्ठले दुई वटा नयाँ मोटरसाइकल लन्च गर्न पाउँदा अत्यन्त गौरवान्वित भएको बताउनुभयो । बुलेट बाइकप्रति ग्राहक वर्गको अटुट विश्वास र समर्थनप्रति आभार प्रकट गर्दै श्रेष्ठले ग्राहकहरुको सन्तुष्टि नै आफूहरुको सफलता भएको बताउनुभयो ।
कार्यक्रममा बुलेट मोटरसाइकलको नेपालका लागि आधिकारिक बिक्रेता अल्फा अटोमोटिभका एरिया सेल्स म्यानेजर (नारायणगढदेखि झापासम्म) उत्तम खनालले सिग्लन्स मार्स ग्रे र डेजर्ट स्ट्रमको नेपालभर एकसाथ बिक्री शुभारम्भ गरिएको बताउनुभयो । एक सय ६५ मिलिमिटर ग्राउन्ड क्लिरेन्स रहेका यी दुवै बाइकको तौल एक सय ९५ किलोग्राम रहेको उहाँको भनाइ छ । प्रतिलिटर पेट्रोलमा ३० देखि ३५ किलोमिटरको यात्रा गर्न सकिने भन्दै उहाँले दुवै बाइकको पछाडिको सिट ग्राहक आफैले निकाल्न वा राख्न सक्नेगरी तयार पारिएको बताउनुभयो ।
तीन सय ५० सिसि इन्जीन क्षमताका यी दुवै मोटरसाइकलको मूल्य रु पाँच लाख ५५ हजार ६०० पर्ने भन्दै उहाँले गत वर्ष अल्फा अटोमोटिभले करिब १० हजार बुलेट बाइक बिक्री गरेको जानकारी दिनुभयो । सबै उमेर समूहका व्यक्तिहरुका लागि लक्षित गर्दै बुलेट बाइक बजारमा पु¥याइएको भन्दै उहाँले तीन सय ५० सिसि र चार सय ५० सिसि इन्जिन क्षमताका बुलेट बाइकहरु नेपाली बजारमा रहेका बताउनुभयो ।
नेपालमा बुलेटको रु चार लाख ८६ हजार पर्ने तीन सय ५० सिसिको हन्टरदेखि रु १० लाख ३९ हजार पर्ने चार सय ५० सिसिको हिमालय सम्मका बाइकहरु बिक्री भइरहेको उहाँले बताउनुभयो ।