चितवन, ८ भदौ । भरतपुर–१० स्थित वीरेन्द्र क्याम्पस अगाडि व्युटि एकेडेमी सञ्चालनमा आएको छ । विगत तीन महिनादेखि भरतपुरको सिजी ल्याण्डमार्कमा सञ्चालनमा रहेर सौन्दर्यता सम्बन्धी काम गर्दै आएको फेसियल हाउसले ब्युटि एकेडेमी सञ्चालनमा ल्याएको हो ।

आजबाट औपचारिक सञ्चालनमा आएको ब्युटिए एकेडेमीको उद्घाटन फेसियल हाउसकी प्रबन्द निर्देशक शुष्मा महराले गर्नुभएको हो । काठमाडौँ मलमा मुख्य कार्यालयले रहेको फेसियल हाउसले पोखरा, सुर्खेत, नेपालगञ्ज, धनगढीलगायतका शहरहरुमा सेवा प्रदान गर्दै आएकोमा चितवनबाट समेत सेवा प्रदान गरेको हो । सौन्दर्यता सम्बन्धी काम गर्दै आएको संस्थाले सौन्दर्यकर्मी उत्पादन गर्नका लागि एकेडेकी सञ्चालनमा ल्याएको महराले बताउनुभयो ।

एकेडेमीले सेल्फ मेकअप कोर्ष, डिप्लोमा कोर्ष, मास्टर्स लेभल कोर्ष गराउँदै आएको भन्दै उहाँले ६ महिनामा तीनवटै कोर्ष पूरा हुने जानकारी दिनुभयो । प्रशिक्षणका क्रममा आवश्यक पर्ने सम्पूर्ण सामग्रीहरु एकेडेमीबाट नै उपलब्ध गराइने भन्दै महराले प्रशिक्षण सकिएपछि आफ्नै फेसियल हाउसमा इन्टर्नशीप गराइने जानकारी दिनुभयो । काममा दक्ष भएपछि प्रमाणपत्र प्रदान गरिने भन्दै उहाँले छ महिने कोर्ष गरेपछि स्वदेश तथा विदेशमा पूर्ण रोजगारको वातावरण सिर्जना हुने जानकारी दिनुभयो ।
एकेडेमीमा कम्तिमा ६ जना प्रशिक्षार्थी भएपछि कक्षा सञ्चालन गरिने भन्दै महराले प्रशिक्षार्थीहरुको समयअनुसार कक्षा सञ्चालन गरिने बताउनुभयो । प्रति समूह दैनिक दुई घण्टा कक्षा सञ्चालन गरिने उहाँको भनाइ छ । छ महिने कोर्ष सिक्ने चाहना भएका प्रशिक्षार्थीहरुलाई एकेडेमी सञ्चालनको अवसरमा यस हप्ताभित्र भर्ना गरेमा सम्पूर्ण शुल्कमा ५० प्रतिशत छुटको व्यवस्था गरिएको महर्जनले जानकारी दिनुभयो ।