चितवन, ४ भदौ । चितवनको भरतपुर–१० सप्तगण्डकी चोकमा रहेको कलेज अफ कुलिनरी एण्ड हस्पिटालिटी म्यानेजमेन्ट (सिसिएचएम) चितवनका विद्यार्थीहरुले नेवारी संस्कृति प्रवर्द्धन गर्ने उद्देश्यले लाखे नाच निकालेका छन् ।
विद्यार्थीहरुले आज दिउँसो लाखे नाच निकालेका हुन् । कलेजका कार्यकारी अध्यक्ष एवम् प्रिन्सिपल रवीन्द्र बुढाथोकीले विद्यार्थीहरुले निकालेको लाखे नाच कलेजबाट सुरु भएर सप्तगण्डकी चोक परिक्रमा गरेर फर्किएको जानकारी दिनुभयो । नेवारी कला, संस्कृति तथा मौलिक खाना संरक्षणको लागि यस प्रकारको कार्यक्रम महत्वपूर्ण हुने बुढाथोकीको भनाइ छ ।
यसैबीच, विद्यार्थीहरुले नेवारी संस्कारअनुसारको खाना तयार पारेर खुवाएका उहाँको भनाइ छ । “नेवारी संस्कार अनुसार भूईंमा बसेर नेवारी खानाका परिकार खुवाएका छन्” बुढाथोकीले भन्नुभयो, “यस्तो क्रियाकलापले नेवारी संस्कार र संस्कृतिको संरक्षणमा टेवा पुर्याउँछ ।” कार्यक्रममा कलेजमा अध्ययनरत सय जना विद्यार्थीहरुको सहभागिता रहेको उहाँको भनाइ थियो ।
यसैबीच, सिटीईभिटी र मलेसियाको युरो स्किल्सबाट सम्बन्धन प्राप्त कलेजमा डिप्लोमा तहमा होटल म्यानेज र कुलिनरी आर्टमा नयाँ भर्ना खुलिरहेको भन्दै भदौ १५ गतेभित्र भर्ना हुने विद्यार्थीलाई भर्ना शुल्कमा ३० प्रतिशत छुट दिइने बुढाथोकीले बताउनुभयो । आकर्षक शुल्क र छात्रवृत्तिको व्यवस्थासहित विद्यार्थीहरुलाई अत्याधुनिक किचन, रेष्टुरेन्ट, हाउस किपिङ, फन्ट अफिस ल्याबमा प्रयोगात्मक कक्षा गराइने उहाँले बताउनुभयो । कलेजले दक्ष तथा अनुभवी प्रशिक्षकहरुबाट प्रशिक्षण दिँदै आइरहेको बुढाथोकीको भनाइ छ ।
कलेजमा भर्ना हुने विद्यार्थीलाई निःशुल्क किचन र रेस्टुरेन्ट किट, निःशुल्क पुस्तक तथा नोट, निःशुल्क कलेज ब्याग, स्थानीय र राष्ट्रिय तहका होटल भिजिट, विभिन्न अन्तर्राष्ट्रिय चेन होटलबाट लामो समयको अनुभव लिनुभएका विशिष्ठ व्यक्तित्वहरूद्वारा प्रेरक कक्षाहरू गराउँदै आएको बुढाथोकीले बताउनुभयो । कक्षाकोठामा मल्टिमिडियाको प्रयोग, विद्यार्थीहरूलाई आवश्यकताअनुसार रोजगारीको व्यवस्था, प्रत्येक विद्यार्थीको छुट्टै लकर, होस्टल र अन्य वैकल्पिक आवास सुविधा, तालिम पश्चात देशभित्र तथा देश बाहिर विभिन्न पाँचतारे होटलहरूमा इन्टनशीप र रोजगारमा सहयोग गरिने उहाँको भनाइ छ ।
