गैंडाकोट // गैंडाकोट नगरपालिकाको फोहोर ब्यवस्थापन सम्बन्धमा २ दिने अध्यन अबलोकन भ्रमण सम्पन्न भएको छ ।

गैंडाकोट नगरपालिकाले नगर क्षेत्र बाट दैनिक रुप मा उत्पादन हुने फोहोर लाई कसरी ब्यबस्थापन गर्न सकिन्छ र फोहोर लाई मोहोर मा परिनत गर्न के कस्तो उपाय छन भने विषयमा जानकारी लिन चैत्र ९ र १० गते गैंडाकोट नगरपालिका बाट रुपन्देही जिल्ला को तिलोत्तमामा नगरपालिका र धनगढी को धनगढी उप-महानगरपालिका को भ्रमण गरिएको थियोे । गैंडाकोट नगरपालिकाले अत्याधुनिक प्राविधिको प्रयोग गरेर गैंडाकोट ७ मा फोहोर प्रशोधन केन्द्र निर्माण गर्दै छ । यस अगि गैंडाकोट ६ मा निर्माण गर्न लागियोको फोहोर प्रशोधन केन्द्र स्थानीय को बिरोधि पछी ७ नम्बर मा सारिएको थियो।

पहिलो दिन रुपन्देही जिल्ला को तिलोत्तमा नगरपालिका को भ्रमण गरिएको थियोे । तिलोत्तमा नगरपालिका ले नगरक्षेत्र बाट उत्पादन भएको फोहोर लाई ब्यबस्थापन गर्न निजि क्षेत्र संग सहकार्य गरे छ । निजि क्षेत्रले नै फोहोर संकलन, प्रशोधन र बिक्रीवितरण गर्ने गरि सम्झौता भएको छ भने नगरपालिका ल्यान्डफिल साइड उपलब्ध गराएको छ जस बाट नगरपालिकालाई मुनाफाको १०% बुझाउनु पर्छ ।

त्यस्तै धनगढी उप-महानगरपालिकाले पनि निजि क्षेत्र संग सहकार्य गरेर नै फोहोर प्रशोधन गर्ने गर्दछ । नगरपालिकाले फोहोर संकलन गरेर प्रशोधन केन्द्र सम्म पुराउने र त्यस फोहोर लाई प्रसोधन गरेर मोहोरमा निजि क्षेत्रले पर्बिनत गर्छ । फोहोर लाई मुख्यत कुहिने र नकुहिने गरेर २ तरिकाले बिभाजन गरिन्छ भने कुहिने बाट ग्यास उत्पादन र नकुहिनेलाइ विभिन्न तरिका बाट पुन प्रयोग गरिन्छ । कुहिने फोहोर बाट उत्पादन ग्यास पाइप लाइन मर्फत स्थानीयको घर घर मा पुराउने योजनामा धनगढी उपमहानगरपालिका रहेको छ ।

स्थानीय स्थरमा बन्न लागेको आयोजना बाट के कस्तो लाभ लिन सकिन्छ भनेर स्थानीय जनतालाई प्रत्यक्ष रुप मा जानकारी दिन यो भ्रमण को आयोजन गरिएको गैंडाकोट नगरपालिकाका प्रमुख प्रशासकिय अधिकृत झविन्द्र खनालले बताउनु भयो। धेरै पहिला देखि बनाउन लगेको फोहोर प्रशोधन केन्द्र विभिन्न समस्य का कारणले बन्न नसकेकोमा यो भ्रमण पछी स्थानीय को पुर्ण समर्थ साथ निर्माण हुने खनालले बताउनु भयो।