गैँडाकोट । नवलपुरको गैँडाकोटमा अवस्थित विजय सामुदायिक शिक्षा सदन मध्यपूर्वी तालिम शिक्षालय बर्दिबासमा भएको राष्ट्रिय सेवा दल जुनियर डिभिजन तालिमको सामुहिक क्याम्पमा सर्वोत्कृष्ट विद्यालय हुन सफल भएको छ ।राष्ट्रिय सेवा दल मध्यपूर्वी तालिम शिक्षालय बर्दिबासमा सञ्चालित ४९ औँ जुनियर डिभिजनको पहिलो वार्षिक सामुहिक क्याम्पमा ९ वटा जिल्लाबाट सहभागीता जनाएका १६ वटा विद्यालयका ५७६ क्याडेटहरू मध्ये विजय सामुदायिक शिक्षा सदनका विद्यार्थीले उत्कृष्ट प्रदर्शन गर्न सफल भएको विद्यालयले आयोजना गरेको पत्रकार सम्मेलनमा जानकारी गराइयो ।
प्राचार्य रेखा श्रेष्ठले विद्यालयले बेष्ट प्लाटुन अवार्ड हात पारेको बताउनुभयो । उहाँले विजय सामुदायिक शिक्षा सदनबाट सहभागी ३६ क्याडेटहरूले विभिन्न विधामा शिल्ड, मेडल, प्रमाणपत्र सहित दर्ज्यानी चिन्ह प्राप्त गरेको अवसरमा जानकारी दिनुभयो ।जसमध्ये उत्कृष्ट छात्र क्याडेट र अनुशासित क्याडेटको उपाधि कम्पनी जुनियर अण्डर अफिसर सौम्य ध्वज जि.सीले प्राप्त गरेका छन् । प्लाटुन जुनियर अण्डर अफिसर रमेश केसी, कम्पनी हवलदार करिष्मा पाण्डेले प्राप्त गरे ।
उत्कृष्ट मोडल व्रिफिङ – हवलदार संसार सापकोटा, हवलदार सामिया जि.सी., हवलदार श्रीषा आचार्य, अमलदार कुमार राना मगर, अमलदार दिलिप के.सी, अमलदार हन्ना नेपाली, प्यूठ आयुष्मा परियार, प्यूठ सलिना थापा मगर, प्यूठ कृष्टी थापा, प्यूठ सुमित सुवेदी, प्यूठ प्रवेश परियार, प्यूठ सौगात शर्माले प्राप्त गरेको विद्यालयले जनाएको छ ।विद्यालयले छात्र र छात्रको क्याडेट भलिबलमा दोस्रो स्थान, र नृत्यमा तेस्रो स्थान प्राप्त गर्न सफल भएकोे समन्वय शिक्षक प्रशान्त रेग्मीले जानकारी दिनुभयो ।
तालिममा नवलपुरबा पाँचवटा विद्यालय छनौटमा पर्न सफल भएका थिए । राष्ट्रिय सेवा दल मध्ये तालिम शिक्षालय हात्तिखोर ब्यारेकका अमलदार प्रेमबहादुर बानिया र प्युठ राजकुमार शर्माले तालिम दिनुभएको थियो ।विद्यालयको सभाहलमा आयोजित पत्रकार सम्मेलनमा विद्यालयका पूर्व अध्यक्ष टिकाराम कँडेल, सचिव विरभद्र सापकोटा, कोषाध्यक्ष लक्ष्मण कार्की, सहसचिव उमाकुमारी पाण्डे, सदस्य रामचन्द्र चालिसे, विजय एफएमका अध्यक्ष त्रिलोचन सापकोटा, राष्ट्रिय सेवा दल हात्तिखोरका अमलदार प्रेमबहादुर बानिया लगायतको उपस्थिति रहेको थियो ।
