चितवन, साउन २२-

चितवनमा लामो समयदेखि प्रतिक्षा गरिएको सुजुकी एस यूभीहरु सुजुकी जिम्नी र फ्रोङ्स सोमबार भरतपुरमा बिक्री शुभारम्भ गरिएको छ । उक्त दुई एस यूभीको टेस्ट ड्राइभ पनि अब ग्राहकले शोरुमबाट गर्न सकिने चितवनका लागि आधिकारिक बिक्रेता साध्वी इन्टरनेशनल प्रालिले जनाएको छ ।

नेपालका लागि सुजुकी ब्राण्ड चारपाङ्ग्रे सवारी साधनको आधिकारिक वितरक सिजी हाल्डिङ अन्तर्गतको अटोमोटिभ डिभिजन सिजी मोटोक्रप तथा सिजी जक्स्टजेनले दुई मोडलका गाडीहरुको बुकिङ २९ असारदेखिनै खुल्ला गरेको थियो । कम्पनीले आक्रमक मूल्य रणनीति अपनाई मूल्य निर्धारण गरेको कम्पनीले जनाएको छ । जिम्नीको सुरुआती मूल्य ५९ लाख ९९ हजार रुपैयाँदेखि ६४ लाख रुपैयाँसम्म रहेको साध्वी इन्टरनेशनल प्रालिका महाप्रबन्धक सुरजराज जोशीले बताउनुभयो ।

त्यस्तै फ्रोङ्सको मूल्य ३९ लाख ९९ हजार रुपैयाँबाट ४२ लाख रुपैयाँसम्म रहेको जोशीको भनाइ छ । पाँच ढोके सुजुकी जिम्नी नेपाल र अन्तर्राष्ट्रिय बजारमा सबैभन्दा प्रतिक्षित कारमध्ये एक कार भएको जोशीले बताउनुभयो । यो मोडेलको माग विश्वभर नै निकै रुचाइएको जोशीको भनाइ छ ।

‘सुजुकी जिम्नी अल्टिमेट अफरोड एस यूभी हो जो हेभी ड्युटी ल्याडर फ्रेम चेसिसमा निर्मित छ र यसमा पर्याप्त बडी एङ्गल र ग्राउन्ड क्लियरेन्सको साथ डिजाइन गरिएको छ’ जोशीले भन्नुभयो । बिक्री शुभारम्भ कार्यक्रममा कम्पनीका सल्लाहकार लालप्रसाद बरालले एसयूभी मोडलका गाडीहरु फोर ह्वील ड्राइभ भएकाले सस्तो मूल्यमा आरामदायी यात्रा गर्न सकिने बताउनुभयो । सस्तो मूल्यमा लक्जरियस यात्राको लागि एसयूभी गाडीहरुले सहयोग पु¥याउने भन्दै बरालले अफरोडका लागि यो गाडी प्रभावकारी रहेको बताउनुभयो ।

कार्यक्रममा चितवन अटोमोबाइल डिलर एशोसियनका अध्यक्ष राजन पियाले सरकारले अटोलाई बिलासिताको बस्तुमा वर्गीकरण गर्दा समस्या भएको बताउनुभयो । सरकारले विलासिताको बस्तुमा गाडीहरुलाई राख्दा छिमेकी मुलुकमा भन्दा नेपालमा पाँच गुणासम्म महँगोमा उपभोक्ताहरुले गाडी खरिद गर्नुपरेको गुनासो गर्नुभयो । शिक्षा, स्वास्थ्य तथा पूर्वाधारसहितका क्षेत्रमा सवारीसाधन अत्यावश्यक रहेकाले राज्यले नीति परिवर्तन गरी सवारीसाधनलाई अत्यावश्यक क्षेत्रमा राख्नुपर्ने बताउनुभयो । राज्यको नीतिका कारण अटो मोबाइल व्यवसाय धरासायी बन्दै गएको उहाँको भनाइ छ ।