चितवन, साउन १६–

नारायणगढ–मुग्लिन सडकखण्डअन्र्तगत भरतपुर–२९ को गाईघाटमा ट्रक र मोटरसाइकल ठक्कर खाँदा एक जनाको मृत्यु भएको छ ।

आज दिउँसो मुग्लिङबाट नारायणगढतर्फ आउँदै गरेको ना ६ ख ५६४२ नं. को ट्रक र बिपरित दिशाबाट जाँदै गरेको लु २८ प ६२७० नम्बरको मोटरसाइकल ठक्कर खाँदा सो दुर्घटना भएको हो ।

दुर्घटनामा मोटरसाइकल चालक सरोज दर्लामीको भरतपुर अस्पतालमा उपचारको क्रममा मृत्यु भएको छ । उनको शव भरतपुर अस्पतालमा रहेको छ ।
त्यसैगरी मोटरसाइकलमा सवार पाल्पा घर बताउने ३४ वर्षीय चेतन आले गम्भीर घाईते भई नयाँ मेडिकल कलेज भरतपुरमा उपचारको लागि पठाइएको प्रहरीले जनाएको छ । दुबै सवारीसाधनसहित ट्रक चालक पर्सा सकुवा गाउँपालिका –१ बस्ने वर्ष ४० वीरबहादुर लामालाई प्रहरीले नियन्त्रणमा लिएको चितवन प्रहरीले जनाएको छ ।