दुलेगौंडा – चितवनको नारायणग्क्ढमा मुख्य कार्यालय रहेको कनेक्ट अष्ट्रेलियन एजुकेसन एण्ड भिसा सर्भिसले दुलेगौंडामा शाखा सञ्चालन गर्ने भएको छ । दुलेगौंडा शाखाको भोलि (शनिबार) एक कार्यक्रमकाबीच उद्घाटन गरिनेछ । कन्सल्टेन्सीको गण्डकी प्रदेश सांसद श्यामराजा महतले उद्घाटन गर्ने कनेक्ट अष्ट्रेलियन एजुकेसन एण्ड भिसा सर्भिस दुलेगौंडा शाखा प्रमुख कृष्ण श्रेष्ठले जानकारी दिनु भयो । दुलेगौंडामा उद्घाटनको तयारी रहेको शाखाले केही समय पहिलेदेखि नै आफ्नो सेवा दिदै आइरहेको छ ।

दुलेगौंडा र दुलेगौंडा आसपासका विद्यार्थीहरुको सहजताका लागि दुलेगौंडामा शाखा स्थापना गर्न लागिएको कनेक्टका नेपाल प्रमुख मेघराज कँडेलले जानकारी दिए । यसले विद्यार्थी तथा अभिभावक प्रत्यक्ष रुपमा कार्यालयमा नै उपस्थित भएर परामर्श लिन सकिने उनको भनाइ छ ।पहिले यहाँका विद्यार्थीहरुको अनलाइनबाट प्रोसेसिङ हुन्थ्यो भने कति जान त चितवनको नारायणग्क्ढमा रहेको मुख्य कार्यालय मा नै आउनु हुन्थ्यो । अब विद्यार्थी तथा अभिभावकले प्रत्यक्ष भेटर सेवा लिन सक्छन्’, उनले भने । अघि दुलेगौंडाका विद्यार्थीहरुको कागजी प्रकृयाहरु कनेक्टले चितवनको नारायणगढस्थित मुख्य कार्यालयबाट काम गर्दै आएको थियो ।

कनेक्ट अष्ट्रेलियाका प्रमुख देवराज कँडेल नेपालबाट अष्ट्रेलिया पुग्ने विद्यार्थीहरुलाई त्यहीँबाट आवश्यक सहयोग गरिने बताए। कनेक्टको अष्ट्रेलियामा पनि आफ्नै अफिस रहेकोले विद्यार्थीहरुले ढुक्क भएर कनेक्टबाटै परामर्श लिन सकिने उनको भनाइ छ ।

विद्यार्थीलाई उच्च शिक्षाका लागि विदेश जानु अघि परामर्श दिनु मात्र नभई पुगेपछि पनि आवश्यक परामर्श र सहयोग गरिने उनको भनाइ छ । सन् २०१७ मा चितवनमा कनेक्टको मुख्य कार्यालय स्थापना भएको थियो । ६ वर्षदेखि उच्च शिक्षाका लागि अष्ट्रेलिया, क्यानडा लगायतका देशहरु जाने विद्यार्थीलाई परामर्श दिदै आएको कनेक्टले देशभर नौ शाखा सञ्चालन गरिसकेको छ ।