गैँडाकोट ।
गैँडाकोट दोस्रो नगरस्तरीय मेयरकप फुटवलको आज सम्पन्न दोस्रो खेलमा गैँडाकोट १४ विजयी भएको छ । विजयी भएसंगै गैँडाकोट १४ फाइनलमा प्रवेश गरेको छ । गैँडाकोट ४ लाई २ का विरुद्ध ४ गोल गर्दै गैँडाकोट १४ विजयी भएको हो । त्यसैगरी प्रतियोगिता अन्तर्गत शनिबार दिउसो २ वजे गैँडाकोट वडा नं. १० र वडा नं. १४ विच प्रतिष्पर्धा हुने गैँडाकाेट खेलकुद समितिका अध्यक्ष लक्ष्मण कार्कीले जानकारी दिनुभयाे ।
“स्वास्थ्यको लागि खेलकुद, राष्ट्रको लागि खेलकुद” भन्ने मुल नाराका साथ जारी नगरस्तरीय मेयरकप फुटवलमा नगरका १८ वटै वडाका २३ वर्ष मुनिका प्रतियोगीहरु सहभागी भएका छन् । प्रतियोगितामा प्रथम हुने समूहलाई ५० हजार नगद सहित शिल्ड, मेडल र प्रमाणपत्र प्रदान गरिनेछ भने दोस्रो हुने समूहलाई ३५ हजार नगद सहित शिल्ड, मेडल र प्रमाणपत्र प्रदान गरिने आयोजकले जनाएको छ ।
त्यसैगरी खेल अवधिभर उत्कृष्ट खेलाडी तथा सर्वाधिक गोलकर्तालाई समेत पुरस्कारको व्यवस्था गरिएको छ ।गैँडाकोट नगरपालिकाको प्रर्वद्धनमा हुन लागेको प्रतियोगिताको नगर युवा सञ्जाल गैँडाकोटले समन्वय गरेको छ भने सहयोगी संस्थामा गैँडाकोट ४,५ र ८ युवाक्लव रहेको छ ।
