बिर्तामोड,१८ माग ।
गिरी ग्रान्ड फिल्म प्रोडक्सन प्रा.ली.को ब्यानरमा निर्माण हुन लागेको नेपाली कथानक चलचित्र वानरसेनाको छायांकन झापाका विभिन्न ठाउँमा तीव्र गतीमा भएको निमार्ण पक्षले बताएको छ । चलचित्रको नामलाई लिएर धार्मिक जस्तो लागे पनि चलचित्र वानरसेना सामाजिक तथा प्रेम कथामा आधारित चलचित्र रहेको निर्माता युवराज गिरीले बताउनुभयो । निर्देशक गिरीले चलचित्रलाई फरक र रोचक ढंगले दर्शकमाझ प्रस्तुत गराउनेमा आफू विश्वस्त रहेको बताउनु भएको छ ।

फिल्मी विषयमा क्यानडाबाट डिग्री सम्म अध्ययन गरेर नेपाल फर्किएका उदयमान कथाकार,निर्देशक एवम् कलाकार अर्माणजंग गिरीले चलचित्रको कथा लेखन, निर्देशन र मुख्य पात्रको अभिनय गरी तीनवटा विधामा डेब्यु गरेका छन् ।चलचित्रमा सुरवीर पण्डित, किशोर खतिवडा,आर्जु प्रसाई,अर्पण गीरी,अर्जुन गुरुङ्ग,रमेश चन्द सोडारी लगायतका कलाकारको अभिनय रहने छ ।रामायणकालीन पात्रहरूले गरेका सकारात्मक, नकारात्मक क्रियाकलापलाई चलचित्रमा कलाकारहरूले त्यस्तै चरित्र प्रस्तुत गर्ने भएका छन् । १ करोड ५० लाख लगानी अनुमान गरिएको चलचित्र वानर सेना ढिलोमा ३२ दिन भित्रमा छायांकन सम्पन्न गर्ने निर्माण पक्षले अनुमान गरेको छ ।हाल सम्मम ६० वटा भन्दा धेरै चलचित्रहरू छायांकन गरिसकेका विनोद सापकोटाले यस चलचित्रको छायांकन गदैछन् । चलचित्रको गितमा गायक डम्बर नेपाली, गायिका जुनु प्रसाईँ र अनिसा मैनालीले आवाज दिएका छन् ।