चितवन –

चितवनको भरतपुर महानगरपालिका वडा नम्बर २९ मा श्रीमान् श्रीमती मृत अवस्थामा फेला परेका छन् । भरतपुरको वडा नं २९ स्थित लमजुङगे टोल भन्ने स्थानमा २२ बर्षका प्रेम रानामगर झुण्डिएको अवस्थामा र २१ बर्षकी उनकी श्रीमती बुद्दीमाया राना मगर (शान्ती) भुईँमा मृत भेटिएका हुन् ।

प्रेम राना मगर आफ्नै घरको कोठाको बलोमा नाईलनको डोरीको पासो लगाई झुण्डी मृत्यु भएको र उनको श्रीमती बुद्दीमाया राना मगर घर बाहिर आंगनमा रहेको अगेनाको छेउमा मृत अबस्थामा फेला पारीएको जिल्ला प्रहरी कार्यालय चितवनले जनाएको छ । मृतक बुद्दीमाया टाउकोमा चोट देखिएको प्रहरीले जनाएको छ ।