चितवन, कात्तिक २४–

चितवन क्षेत्र नं ३ मा प्रतिनिधि सभा सदस्यका लागि उमेदवारी दिएका स्वतन्त्र उमेदवार जगन्नाथ पौडेल चुनावी प्रचारमा व्यस्त छन् । जनताका घरदैलोसम्म पुगेर आफ्ना एजेण्डा बताउन पौडेललाई हम्मे हम्मे छ । स्थानीय तहको निर्वाचनमा चितवनको भरतपुर महानगरपालिकामा मेयर पदमा भुईकटहर नामले चर्चा पाएका जगन्नाथ पौडेलले आसन्न प्रतिनिधि सभा निर्वाचनमा पनि चितवन क्षेत्र नं ३ बाट उम्मेद्वार बनेका छन् । उनले आफ्ना मतदाता सामु आफुले जिते पछि कस्ता काम गर्छु , अठोट के छ लगायतका बिषयबस्तु बुझाउन , मतदाता रिझाउनै पर्ने बाध्यता छ ।

पूर्व सांसद एवं बरिष्ठ अधिवक्ता रहेका जगन्नाथ पौडेलले आफ्नो निर्वाचन क्षेत्रमा स्थानिय सरकार संग सहकार्य गरि शिक्षालाई गुणस्तरीय बनाउने र स्वास्थ्य क्षेत्रमा भएको बिकृती,बिसंगतीको अन्त्य गरी भरपर्दो र सर्बसुलभ सेवा उपलब्ध गराउने बताएका छन् ।

राप्ती तथा नारायाणीबाट प्रभाबित क्षेत्रलाई सुरक्षित बनाउन तटबन्धनको बृहत कार्यक्रम सन्चालन गर्ने , ३ नंं. क्षेत्रको बिकासका साथै पर्यटन प्रबद्र्धन लागी फराकिला सडक अनि नदि तथा खोला क्षेत्रका आबश्यक स्थानमा पुलको निर्माण गर्ने , प्राबिधिकको परामर्शमा राष्ट्रिय निकुन्ज भित्रको आवागमनलाई सहज र सुरक्षित बनाउने, निकुन्ज भित्रको हाल कायम सडक छोटो हुने गरी निर्माण गर्न र बन्यजन्तुको आगवनबाट सर्बसाधरणको जीेउधनको सुरक्षा हुने गुरु योजना तयार गर्ने, २५ बर्ष अघि प्रस्ताबित काठमान्डौ ठोरी राजमार्गको अबधारणलाई कार्यन्वयन गर्ने र ठोरी नाकालाई नियमित गर्ने उनको प्रतिबद्धता रहेको छ ।

हरेक पटक साना देखी ठुँला दलका उम्मेद्वार तथा स्वतन्त्र उम्मेद्वारहरुको मुख्य एजेण्डा बन्ने तर समस्या समाधान नहुने सुकुम्बासी समस्या मानवीय समस्या भएको र यसलाई थप प्राथमिकतामा राखी समाधान गरिने र सकुम्बासी समस्या सदाका लागी अन्त्य गर्ने उनको योजना छ ।