प्रचण्डले जापान पुगेर पनि झुठो बोल्न भ्याए, यस्तो सम्म भने
शनिबार, २१ साउन २०७९ गते प्रकाशित – नेपाल आज
प्रचण्डले जापान पुगेर पनि झुठो बोल्न भ्याए, यस्तो सम्म भने
नेकपा माओवादी केन्द्रका अध्यक्ष पुष्पकमल दाहालले जापानमा पुगेर पनि झुठो बोल्न भ्याएका छन् । ५ दिने जापान भ्रमणका क्रममा शनिबार बिहान टोकियो पुगेका उनले नरिता अन्तर्राष्ट्रिय विमानस्थलमा पत्रकारसँग कुरा गर्दै आवेसँग दुई तिन पटक भेटघाट भएको झुठो दावी गरेका हुन।
उनले जापानका पूर्वप्रधानमन्त्री सिन्जो आबेलाई भेट्ने इच्छा पूरा नभएको बताए । दाहालले आबेसँग आफ्नो सम्बन्ध राम्रो भएको पनि दाबी गरे । पूर्वप्रधानमन्त्रीका रूपमा सिन्जो आबे नेपाल भ्रमणमा आउँदा आफूसँग २÷३ पटक कुराकानी भएको उनको दावी छ।
‘म जापान आउने तय भएसँगै पूर्वप्रधानमन्त्री सिन्जो आबेसँग भेट्नका लागि समय मिलाउन खोजेको थिएँ । जापानका राजदूतसँग पनि कुरा भएको थियो’ उनले भने–‘उहाँ पूर्वप्रधानमन्त्रीका रूपमा नेपाल भ्रमण गर्दा मसँग २÷३ पटक कुराकानी भएको थियो । र, असाध्यै राम्रो सम्बन्ध भएको थियो हाम्रो ।’
एक अर्काप्रति राम्रो इन्ट¥याक्सन भएको र उहाँलाई भेटेर नेपाल र जापानको सम्बन्धलाई एउटा अर्को हाइटमा कसरी लैजाने भन्ने कुरा गर्ने इच्छा हुँदाहुँदै बडो दुर्भाग्यपूर्ण घटना भएको उनले सुनाए।
‘जापानको लागि त यो विरलै हुने घटना हो । यसको विश्वव्यापी पनि इम्प्याक्ट परेको छ’ उनले थपे–‘म उहाँप्रति विशेष सम्मान पनि भन्न चाहन्छु । शोकसन्तप्त परिवारप्रति हार्दिक समवेदना छ ।’
यता, नेपालस्थित जापानी दूतावासका अनुसार अहिलेसम्म जापानबाट एक पटक बहालवाला प्रधानमन्त्रीले मात्रै नेपाल गरेका छन् । सन् २००० मा जापानका तत्कालीन प्रधानमन्त्री योसिरो मोरी नेपाल भ्रमणमा आएका थिए ।
उनको भ्रमण नै जापानी प्रधानमन्त्रीको पहिलो औपचारिक नेपाल भ्रमण थियो । त्यसपछि जापानका विदेशमन्त्रीहरू कोइचिरो गेम्बा र तारो कोनो नेपाल भ्रमणमा आएका थिए ।
तर, आबेले भने प्रधानमन्त्री वा पूर्वप्रधानमन्त्रीका रुपमा पनि नेपाल भ्रमण नगरेको जनाईएको छ। आबे २६ सेप्टेम्बर २००६– २६ सेप्टेम्बर २००७ र २६ डिसेम्बर २०१२– १६ सेप्टेम्बर २०२० गरी दुई कार्यकाल प्रधानमन्त्री भएका थिए । बरु, आबेका हजुरबुवा नोबुसुके किसी भने पूर्वप्रधानमन्त्रीका रूपमा नेपाल भ्रमणमा आएका थिए ।
